هلا بنوتات كيفكم

حبيباتي ما راح اطول عليكم ادريبكم تبون الزبدة

هذا الله يسلمكم ما عقدني الا ابطي هو مو اسمر كثير بس واضح الاختلاف في اللون

تقولون خريطة جزيرة

بس مرة وحدة من قريباتي لابسه كت بتروح مشوار ورافعة يدها تبي تسوي شعرها

والله ما شاء الله عليها ابطها ابيض ابيض مثل جسمها ولا يمكن افتح شوي

تخيلو الثقة ولا كأنه كان فيه شعر لا اله الا الله

عاد انا خذاني الحياء ولا سالتها قلت بسوي خلطات وبيصير نفسها

والله ما خليت الا ما جربت يعني اي شي جربته

كريمات تبييض طبيعية وصناعية / خلطات طبيعية من المنتدى / سفيداب / صوابين / ليمون وجلسويد

كل شي واي شي بس ابطي مثل ما هو ما يهزك ريح قلت في قلبي والله لا اسالها

واللي فيها فيها لان اهي دايما تسالني ولا تستحي مني تدرون شنو قالت

تقول انها ما تحف اباطها على طول يعني تنطرة لين يطلع كامل

يعني ما تشيله والشعر قصير تتعورين وفي الاخير ما يطلع

بس كل جمعة قبل ما تتسبح تشقر ابطها بالتشقير وبعد كل دورة تشيله

بالحلاوة مثل العلك والمنطقة اللي تشيلها ما تعيد عليها

وطبعا اذا حمرت المنطقة اعرفي انها راح تسمر خفيف

بس عادي لان التشقير يفتحها وفعلا انا اشقر حواجبي والاحظ الجلد ابيض

والترطيب بعد كل استحمام بزبدة الكاكاو احسن من اي لوشن

حتى دكتورتي تمدحها على طول تقول ترطيبها مكثف وتجف من ع الجسم بسرعة

وجربت طريقتها يا بنات سهلة وعملية والله عينكم تشوف

في شهر واحد (( يعني شقرت 4 مرات )) لا حظت الفرق80%

وبعد شهرين ارتحت من السمار 100%]

ما شاء الله يمكن صار ابطي احسن منها بشوي<<<<<< واثقة

بنات انا ما كتبت تجربتي الا لاني احبكم في الله فلا تنسوني من صالح الدعاء

اللي انا في هالفترة بامس الحاجة له

ملاحظة: اللي تبي تنقل الموضوع تنقله حلالها ( ليش الحسد) ابي ومو لازم تكتب منقول

ابي الكل يستفيد..

واي سؤال انا في الخدمة..



,]hhhhhhhhhhhhhhuh ggslhv