هالوصفه العجيبه من بنات افكاري... عجيبنه الكرواسون عاده استخدمها جاهزه لانها متعبه وتاخذ وقت طويل اذا بسويها بيدي... نصيحتي تمتعو فيها وهي حاره من الفرن ...


المقادير:
عجينه كرواسون او اي عجينه فردوها وقطعوها بشكل مثلث 30-60
سبانخ فرش
بصل اخصر
زيت زيتون
حب قرع مقشر
سماق
ملح

جبن شيدر مبشور
سمسم للزينه



الطريقة :

نفرد العجينه ونفصها بشكل مربعات (( استخدمو اي عجينه مفضله مو الا عجينه الكرواسون) )



نحمس البصل الاخضر بزيت الزيتون زنضيف له السبانخ لين يذوي ونضيف السماق والملح والحب... شوفو اول ما حطيته كان شكثره

الحين نيي للتطبيق... نحط جبنه مبشوره وخليط السبانخ بالنص ونحاول ما نكون قراب من الاطراف



وبعدين نلفها ونقرصها شوي عشان لا تطلع الحشوه ونكمل دحرجتها للاخر ونعكف ريولها عشان تطلع بهالشكل وبعدين نرش سمسم بالويه... عاد مادري ليش الصوره طلعت معاي مقلوبه عيزت وانا اعدلها

 وبعدين ندخلها الفرن الحار على درجه حراره 180-200 درجه مده 10-15 دقيقه