عملتلكم النهاردة اكلة حلوة اوى وسريعة وهى
كفتة البطاطس بطعم الفرايد تشيكن
يالا نشوووووووووووف

المقادير
بطاطس مسلوقة حسب العدد طبعا
جزر مبشور
بقدونس
بيضة مخفوقة مع شوية فلفل اسود
ملح وفلفل اسود وكمون وشطة
شوية لبن

الطريقة
اولا هنهرس البطاطس
ونضيف عليها باقى المكونات كلها
ونقلبهم كويس



نحضر دقيق درة او بقسماط
مع كيس سبايسى بطعم الفرايد تشيكن

نشكل ابطاطس ممكن صوابع او دواير

نحطها فى الدقيق او البقسماط

نقليها فى الزيت
ونطلعها على ورق نشاف
وبعدين نذوقها بالبقدونس بقى
ابة رايكم

حلوة اوى وخفيفة وبتنفع فى ايام الزنقات


ثانيا عملت معاها سلطة بابا غنوج
لو عندك هون يبقى وفرتى على نفسك التعب
لو عندكيش اعملى زى بقى وامرك لله

اولا المقادير
فص توم
بتنجانة او اكتر حسب العدد
ربع كوب صغير يعنى طحينة
ملح وفلفل وكمون ونص ليمونة
زيت زيتون

والبتنجانة مشوية فى الفرن وبعد ما نخرجها نحطها فى فويل او فى كيس بلاستيك
علشان تسهل علينا التقشير

نقشرها ونضيفها على فص التوم
ونهرس بالشووووووووكة كويس اوى

نضيف الطحينة والتوابل
والليمون
وبعدين نساويها ونرش عليها زيت زيتون ونذوقها بلبقدونس



اما اللى عندة هون يضرب كل المقادير اللى فاتت فية بتبقى احلى كتير

وفى ناس بتديلها ضربة فى الكبة بس انا مش بحبها كدة

والبتنجانة ياريت تكون خفيفة علشان ميبقاش فيها بذر
بيبوظ طعم السلطة


وبس خلاص وبالهنا والشفا
متنسووووووش الردودو والتقييييييييييييييييييييييييييييييم

ودعواتكم بتيسير الحال ان شاء الله