انهادره معنا طبق ايرانى
يا عينى عليه كل مقاديره فى البيت متوافره
يعنى ما فيش حجه نطبقه علطول


نبدأ بالمقادير

نصف كيلو صدور فراخ فيليه او وراك فيليه يفضل الوراك مقطعه قطع
بصله كبيره مقطعه
كوب زبادى
2 ملعقه طعام كركم
ليمونه معصوره
ملح و فلفل
زيت
زعفران لو امكن ربع ملعقه صغيره


نبتدى بالطريقه


نحمر البصل فى حوالى 3 ملاعق زيت

اول اما يحمر شويه نضيف الكركم و نقلب

و نسيه يهدى حوالى 3 دقايق
و نحطه على الفراخ المقطعه

و نقلبهم

ونضيف كوب الزبادى
و نقلب

و بعد كده نحط الملح و الفلفل الأسود

و الليمون و الزعفران

و يخلط جيدا

و يتغطى و يدخل التلاجه على الأقل 6 ساعات


نخرجه من التلاجه و نحضر حله غويطه فيها ثلث كوب زيت
و نضع فيه قطع الفراخ ونغطى الحله حتى تنزل الصوص و يتشرب و تحمر مثل الكباب
و بألف هنا و شفا