|[ 1 ]|








نغسل البطاطس وننظفها زين ..

ندهنا بزبده ونغلفها بقصدير ونشويها بالفرن ..
بعد ماتستوي نفتحها من النص ونفرغ شوي من البطاطس
وتحشونها باللي تحبون مع الملح " انا هنا حشيتها بشوي جبن سايل وتشدر
بعدين تغطونها بجبن الموزريلا ورشه اوريقانو وتحطونها بالفرن شوي لحد ماتذوب الجبنه ..






|[ 2 ]|







هذي الاكله مره مره لذيذه " وتقدرون تفرزنونها مثل البف تقريبا ً ~

العجينه :
3 كاسات دقيق ..
بيالة زيت ..
رشة ملح ..
كوب مويه بس مايصير مليان مره ..
ملعقة نشا ..

الحشوه :

بطاطس مسلوق ومهروس " تشوحونه ع النار مع بصل وثوم حسب الرغبه
وملح وفلفل وبهارات

-تتركون العجينه ساعه بعدها تحشونها وتشكلونها بأي شكل ..
-بعدين تقلونها بالزيت ..












|[ 3 ]|







في الخلاط :

3 ملاعق كبيره جبن سايل ..
1 بيضه + ملعقة ملح ..
2 م ك زيت ..
ملعقه صغيره خميره ..
2 م ك حليب بودره ..

-يضاف الخليط الى 3 اكواب دقيق وتخلط بعدين تضيفين المويه لحد ماتصير عندك عجينه ارق شوي من عجينه الفطاير " المهم انك تقدرين تفردينها .. تترك ساعه تختمر ..
-تفرد وتقطع على شكل مستطيلات وتحشى بأي نوع من الاجبان وتلف ولازم تسكرونها زين من الاطراف عشان ماتتفكك وقت القلي ..
-تقلى بالزيت "

|[ 4 ]|










الطريقه :


عجينة البف باستري تحطونها بصينية الكوب كيك
تسوون حشوة دجاج وتحطون داخلها " وفوقه قطعة جبن شرايح
واخر شي رشة موزريلا وبالفرن تتحمر من تحت وفوق لحد مايذوب الجبن ..




|[ 5 ]|








تنفع للي جوعان و وده بشي سهل ولذيذ ~


عجينه سبرينق رول
تحشونها جبنة بيضآ وحبه سودا وتصفطونها " تصير مستطيل
وعلى صاج مدهون بشوي زيت " تحمرونها مع الجهتين ..

خلصنا من المالح " نبدا بالحلوو ~



|[ 6 ]|






كاس زبده لينه + نص كاس سكر بودره
نخلطهم مع بعض ..
بعدين نضيف عليهم كاسين دقيق وشوي فانيليا ..

نحط العجينه في الثلاجه عشر دقايق تبرد بعدين نقسمها نصين :
الاول : نفردها بين قطعتين من التغليف النايلون ونرش شوي دقيق " ومانخليها رقيقه مرره ..
ونقطعها بأي شكل ..

الثاني : نفرده بنفس الشكل والحجم ونفرغه من النص بأي شكل حابينه ..

نصفهم في صينيه ونحطها بالثلاجه ربع ساعه " بعدين ندخلها الفرن ونحمرها من تحت فقط ..

نتركها تبرد " ونرش على الطبقه المفتوحه سكر بودره " والطبقه الثانيه ندهنا مربى او نوتيلا
ونلصقهم ببعض ..





|[ 7 ]|







هذا البسكوت مره لذيذ وطري " ومافيه بيض


كاس ونص زبده لينه
ثلاث ارباع كاس سكر
نص كاس نشا
فانيليا
ثلاث اكواب ونص دقيق او اكثر حسب الحاجه ..


,, نخلط الزبده والسكر والفانيليا ونضيف الدقيق والنشا بالتدريج
لحد ماتصير عندنا عجينه لينه " ندخلها الثلاجه شوي عشان نقدر نفردها ..
نفرد العجينه ونشكلها " انا اضفت شوي هيرشي وطلع كوكيز
وندخلها الفرن تتحمر من تحت بس ..

|[ 8 ]|







طريقة الفوندان :


سمن او زيت + سكر ناعم + مارشملو ابيض ..

ندهن الصحن اللي بنخلط فيه بالسمن زييين , ونحط المارشملو وملعقة اكل مويه
ندخله المايكرويف 30 ثانيه ونطلعه ونخلطه ونرجعه مره ثانيه 30 ثانيه ..
بعدين على الطاوله نمسحها بالسمن زين ونحط السكر اناعم والمارشملو السايل ونعجن لحد ماتصير عندنا عجينه متماسكه ,,


الكيكه :

3 خليط بيتي كروكر
الاول بصينيه كبيره
الثاني في صينيه وسط
الثالث في صينيه صغيره

بعد ماتستوي الكيكه " نجهز الكريمه" دريم ويب + بيالة مويه بارده + قشطه
ندهن الكيكه الاولى ونحط الوسطى فوقها وندهنا بالكريمه ونحط الصغيره فوقها وندهن الصغيره ..
بعدين نكون فاردين عجينة الفوندان ونلبسها الكيكه وتجمل حسب الرغبه ..





|[ 9 ]|








تارت بسكويت الشاي " كتاب اطباق النخبه ص 325

المقادير :

1:
واحد ونص باكيت بسكويت شاي مطحون
ملعقه صغيره بيكنج بودر ..

2:
3 بيضات
نص كاس سكر
رشه فانيليا
نص كاس حليب سايل

للوجه :
بياله سكر
نص علبه قشطه
بياله حليب بودره
3 حبات جبن كيري


الطريقه ~

تخلط مقادير 2 في الخلاط ثم تصب على مقادير 1 وتعجن جيداً ثم تصب في صينية التارت
تخبز بالفرن حتى تنضج واذا برد يقلب في طبق مستدير ..
تخلط مقادير الوجه في الخلاط ثم تصب على الوجه وتزين بالهيرشي او أي شي ..



واهم شي تكونون مستانسين