طريقة عمل السويسرول


المقادير:






4 بيضات ( الصفار مفصول عن البياض ) + رشة من الفانيلا وقطرات من الخل
كوب سكر بودرة مطحون
4-6 ملاعق ماء دافئ ( انتبهي غير ساخن )
كوب من الدقيق + ملعقة طعام بيكنج باودر


الطريقة:

اول شئ هنجهز الصينية ندهنها زيت ونفرشها بورق الزبدة

هناخد بياض البيض نضربه كويس جدا لحد مايبقي مارينج بالشكل دة
الاول هيعمل رغاوي نحط عليه ذرة ملح ونضرب شوية وبعدين نحط عليه ربع كوب السكر البودرة ونكمل ضرب لحد مايبقي مارينج

وبعدين نغسل المضرب كويس وننشف وناخد صفار البيض مع الفانليا والخل ونضربه كويس جدا لحد مايبقي لونه فاتح ونضيف معه بقية السكر تدريجيا

وبعد مايضرب كويس جدا نضيف الدقيق بالتناوب مع الماء الساخن علي الصفار والسكر انا حطيت تقريبا 4 م ك ماية
ثم نضيف بياض البيض شوية شوية علي خليط الصفار والدقيق وطبعا نقلب بخفة متناهية

والان نصب الخليط في الصينية المجهزة

وندخله الفرن علي درجة حرارة 180 انا اخد معايا بالظبط 17 دقيقة وممكن ياخد من 12:15 دقيقة مش اكتر عشان مينشفش

هنسيبه يهدي وبعدين نكون ججهزنا فوطة نضيفة ونقلب عليها السويسرول كدة ونشيل ورق الزبدة بالراحة

نكون فرشنا ورق زبدة او ورق فويل مرشوش سكر بودرة جنب الفوطة وننقل عليها الكيك بالراحة ونلفه كويس بالراااااحة مع الضغط عليه ونقفل عليه كويس اوي وندخله التلاجة تقريبا نصف ساعة بعدين نطلعه نفكه بالرااحة جدا وندهنه الكريمة الي عاوزينها انا دهنته كريم شانتيه عليه معلقتين كاكاو وم نسكافيه
ونرجع نلفه في الورق تاني وندخله التلاجة يرتاح

بعد مايطلع بقي نشيل من عليه السكر البودرة ونزوقه باي شكل نحبه مكسرات فواكه او نغطيه تماما بالشوكولاتة او الكريمة

واحنا بنقطعه نجيب كباية ماية سخنة ننزل فيها السكين يفضل تكون مشرشرة