فطائر الاقماع وطلعت رووعه


مساءالخير اليوم عملت فطائر الاقماع وطلعت رووعه وطريقه العجينه هي نفس عجينه البيتزاء حبتين بيض وكأسه زيت بكاسه الشاى وملعقه خميره خبز وملعقتين حليب بودره وكأستين كبار ماء دافئ بكأسه العصير ورشه ملح وقليل سكر تخلطي المكونات بمضرب الكيك اليدوي وتضيفي الدقيق مقدار اربعه كأسات كبار او اكثر بس تضيفيه على شويه شويه لما تتماسك العجينه وما تلتصق باليد خليها تتخمر نص ساعه تقسمي العجين كور وتمديه بالبيلم حق الخبز او اسمه الشوبك وتقطعي العجين قطع طوليه وتدهنيها بماء هذه الخطوه مهمه جدا علشان العجينه ما تلتصق بالقمع وتدهني الاقماع بالزيت وتلفي عليها العجينه وتدهنيها ببيض مع حليب سائل ورشه حبه سوداء او سمسم وعلى فرن حامي تحت وتطلعيه فوق لما يصير لونه ذهبي تخرجيه وتخليها تبرد وتحشيها جزر مبشور مع جبنه مالحه وبصل اخضر او دجاج او تونه او جبن سائل ولو جبنه كرفت او موزريلا ضروري ترجعيهن شويه بالفرن من فوق علشان تسيح الجبنه اتمنى تجربوها وتعجبكم وبالعافيه الي تشتي توضيح اكثر تكتب فطائر الاقماع وتطلع الطريقه من النت طولت عليكم بس احب اجيب الطريقه بالتفصيل علشان تستفيدوا😙😘