بسم الله الرحمن الرحيم
السلام عليكم ورحمه الله وبركاته

انهارده اكلتنا سبانخ باللحمه زي ما وعدتكم في اليوم اللي عملت سبانخ فيه وقلت المره الجايه باللحمه
والحمد لله الموضوع اللي فات اتثبت بفضل الله ثم فضل الفتوكات اللي عجبهم موضوعي لا وايه كمان نزلت وصفه جديده علي موقع طبخ فتكات وكنت فرحانه جدا وفي قمه سعادتي يارب تنصفوني المره دي كمان
نبدا سوا بفضل الله
المقادير...سبانخ وكسبره خضره وتوم وبصل وصلصه وملح وفلفل اسمر وكمون
الطريقه... اول حاجه اغسل السبانخ مش هقطعها زي المره اللي فاتت وبعدين اغسلها عشان الفايده
اي خدمه يا فتوكات بسمع كلامكم اهو

وبعد كده اصفيها

وبعد اكده نقطعوها هههههه

وحمرت البصل وبعدين التوم المفروم وضفت الصلصه

وبعد ما اتسبكت الصلصه ضفت السبانخ


وهنا بقي ضفت الكسبره الخضره

وبعدين ضفت اللحمهبعد ما عملت منها شوربه بس الاحلي انك تضيفي اللحمه بالتشويحة بتبقي تحفةةة
بس انا عملت كده عشان يبقي لازم في شوربه علي الاكل عندنا

وده الشكل النهائي روعههةةةة مش كده
نيجي للشوربه المقادير
لحمه بلدي وبصل وقرفه علي زنجبيل وملح وفلفل اسمر

نحط البصل علي اللحمه ونتبل اللحمه بالفلف الاسمر والقرفه والزنجبيل وفي الاخر بحط الملح
ودخلتها التلاجه شويه والاحسن انك تسبيها علي بيات

وشوفوا شكلها لما اتشوحت وبعد ما شوحتها علي نار هاديه زودتها ميه وعليت النار

وده طبق الشوربة

اخر حاجه الرز المعمر
بجيب رز واغسله كام غسله


وبعدين اصفيه واحطه في صنيه وادعكه بالسمنه والقشطه
والقشطه دي انا عملتها في البيت
ولو عندك زيت من الحلو حطي شويه زيت
وبعدين حطيت اللبن وظبت الملح

واديته غلوه علي البوتجاز وشوفوا السمنه والقشطه ساحوا ازاي؟؟
وده لما اتحمر هو وشه مش اد كده بس طعمه كان خطيررر

اتفضلي ياقمر
اتركم في امان الله ورعايته