بسم الله والصلاة والسلام على رسول الله
ازيكم يا قمراتي العزيزات يا رب تكونوا كلكم بالف خير..
يلا نشوف طريقة المقلوبة
وبالمناسبة هيا اكتر اكلة عزيزة على قلبي..


اولا مقادير الشوربة اللي هيا اساس المقلوبة:
لحمة او فراخ - بصلة - حبهان - قرنفل - فلفل اسود وملح

الطريقة:
اول حاجة حقولكوا معلومة عن الحبهان
لازم علشان يدي كل الطعم تكسري وتطلعي الحبوب اللي فيه زي الصورة دي..


نقطع البصلة ونحط معاها المنكهات ونشوحهم شوية..
يا سلام على الريحة


بعدين نحط اللحمة ونشوحها شوية..


واخيرا نضيف المية ونسيبها تغلي ونشيل الريم من على الوش
وكدا الشوربة جااااهزة يا قمرات..


المقادير للمقلوبة:
بصل مقطع شرائح - رز - ( بهارات حقول عليهم عند الصورة بتاعة الرز)
بطاطس - بتنجان - زيت للقلي

الطريقة:
نقشر الخضار ونقطهم شرائح


بعدين نحمر البطاطس بعدين البتنجان وبعدين البصل
كدا لما خلصت..


نروح للرز نغسلة كويس وبعدين وهو مبلول نحط عليه البهارات
وهي قرفة - كركم - بهارات مشكلة - بهار رز - كاري
فلفل احمر مش كتير


ونقلب وحيبقى كدا..


كدا جاهزين نطبق المقلوبة
اول حاجة نجيب الحلة اللي حنعمل فيها
ونرش شوية رز ودا علشان لما نقلب المقلوبة تطلع كل المقلوبة تمام كدا


انا بحب شكلها يكون جميل
لو مستعجلة حطي كل الحاجات طبقات وخلاص
برص البطاطس بالشكل دا


بعدين نحط اللحمة في الوسط..


وبعدين بحاول اوقف البتنجان وارصة داير ما يدور وبعدين احط البصل في الوسط


واخيرا نحط كل الرز بالشكل كدا..


وقت السوا
فاكرين الشوربة اللي فوق نحطها تغلي على النار ويكون ملحها طالع شوية
الشوربة لازم تكون بتغلي
ونحط الشوربة بالمغرفة علشان ما نخربش الطبقات ..


ونغطيها باحكام وعلى نار خفيفة نخليها تستوي لحد ما تنشف كل الشوربة
وبس كدا
نسيب المقلوبة تهدى ربع ساعة بعد ما تطفوا
وبعدين تسمي الله وتقلبيها وحتطلع كدا..









وطبعا بنقدم معاهم سلطة خضرا وسلطة زبادي








وكدا من جوا



وغرفتلكم طبق كمان..





اتمنى تعجبكم المقلوبة وتجربوها
في امان الله