كبدة إسكندراني
ده طبق مميز جداً لو عايزة تعملي وجبة عشاء مميزة، وكمان له فوائد غذائية كتيرة ومش بياخد وقت خالص في تحضيره..

المقادير:
1/2 كيلو كبدة طازجة ومقطّعة شرائح رفيعة
۲ حبة فلفل أخضر مقطعة
فلفل أحمر حار (حسب الرغبة)
٥ فصوص ثوم
حبة طماطم مقطّعة قطعاً صغيرة
۳ معالق كبيرة خل
عصير ليمونة
زيت زيتون
ملح - فلفل أسود - شطة (حسب الرغبة)

الطريقة:
1- هاتي طبق كبير علشان تتبّلي فيه الكبدة بعصير الليمون والخل والملح والفلفل والشطة.

2- ضعي الزيت على النار وشوّحي فيه الثوم قليلاً، وبعد ما لونه يبقى ذهبي ضيفي الفلفل الأخضر والفلفل الحار.

3- وبعد كده ضيفي الكبدة وفي الآخر خالص ضيفي الطماطم المقطّعة، وقلبيهم قليلاً على نار هادية لغاية ما تحسّي إن الكبدة استوت، وبعد كده قدّميها وهي سخنة.. وبالهنا والشفا.