المقادير :

*3كاسات جبنه دقيق ابيض منخول

*حبه زبده 227غ سايحه بنفس حرارة المطبخ نزليها من الفريزر قبل ب3 ساعات (انا سويت زبده المراعي 200 غ)

*بيضه

*كاسه الجبنه السايله الصغيرة سكر مطحوووون (بودرة)

*ملعقه حلى بيكينج بودر (ملعقه ممسوحه)

*نص ملعقه صغيرة جدا محلب مطحون (انا م عندي محلب سويت بهارات

المعمول بنهايه الموضوع بكتب ايش هي)

*رشه صغيرة ملح



الطريقه :

*نحط الزبده والسكر بزبديه ونخلطهم بمضرب الكيك الين يختفي السكر

*نحط البيضه مع السكر والزبده ونخلط الين تختفي

*نحط المحلب او البهارات اللي تحبي ونخلط راح يصير شكل الخليط زي الكريمه او خليط الكيك

*نخلط الدقيق والبيكنج بودر والملح مع بعض بزبديه لوحده

*نبدا نحط الدقيق المخلوط مع الملح والبيكنج بودر على الخليط بالتدريج
وتعجني (بيدك بالعجانه مو مشكله ) الين بصير عندك عجينه متماسكه وناعمه بس مو ناعمه مرة .لا خليها شوي ثقيله عشان تتحمل التمر داخلها

*نجهز التمر نخرج منه النوى ونعجنه بالسمن او الزيت النباتي ونحط معاه نص ملعقه اكل بهارات المعمول ونبدا نحشي التمر وتشكليه الشكل اللي تحبي انا سويته بالقوالب ولم طفشت سويته دوائر صغيرة بحجم غطاء البيبسي >>>> اخس تمثيل خخخخخخخخخخ

المهم اها طلعت احلى شكل الدوائر الصغار وربي تجنن


المهم تحطيه بالفرن ويكون لوح الفرن او الشبك بالنص مو فوق ولا تحت

وتخلي النار من تحت بس حوالي ربع او ثلث ساعه الين يحمر شوي من تحت اطفي النار ونزلي الصينيه عى الدولاب عشان المعمول يبرد (راح تقولون لي طيب ما تحمر من فوق يا حمرونه ) راح اقولك يا حبيبتي انو راح نحمره من فوق بس بعد ما يبرد شوي لانه لو فتحتي النار من فوق وهو بالفرن حار راح يتكسر ويحمر كثييير

وبس ترجعي تدخليه الفرن من فوق بس حوالي 10 دقايق الين يصير اللون اللي تحبيه وتخرجينه وتغطي الصينيه بالجريده ربع ساعه عشان يبرد المعمول ويتماااسك

وبعدها تهني باحلى معمول وادعي لي على كل لقمه >>خخخخخ طماعه


انا راح احط لكم صورة المعمول بالمرفقات لاني ما اعرف انزلها على الموقع

ملاحظه : البهارات حق المعمول موجوده عند العطارين بس انا سويتها بالبيت وترى اللي سويتها مو كامله بس طلعت حلوة
(هيل وشمر وقرفه ) بس طحنتهم الين صارو بودرة وحطيتهم بعلبه واستعملها وقت ما اسوي معمول (كلمه روعه قليل بحقها خاصه لو حطيتيها مع التمر )