اليوم عملت فراخ تندورى مشوية فى الفرن
المقادير فرخة وزنها كيلو و200 تقريبا
غسلتها كويس جدا بالدقيق والليمون والملح والخل وشطفتها كويس جدا وتركتها فى المصفاة تصفى المية منها
نيجى بقى للاهم وهو صوص التتبيلة الرائعة
كوب زبادى
2معلقة صلصلة شوية زيت ذرة
ثوم مهروس
جنزبيل فريش بشرته رفيع جدا
كارى
عصير ليمون
باربريكا
ملح فلفل شطة حمراء لوحابة تكون سبايسى
انا بقى ضيفت بصلة مبشورة ناعم جدا
و5فصوص حبهان مكسر بيدى ريحة خلوة
فى الصينية حطى الزبادى وكل التوابل اللى قلت عليها وقلبيها كويس
هاتى بقى الفرخة وشقيها من الظهر واعملى فيها فتحات بالوراك والصدر وحطيها فى التتبيلة واحشى الفتحات بالصوص
وغطيها وفى الثلاجة بيتيها ليلة كاملة بيكون افضل
انا بقى اشتريت شواية سلك رخيصة وحطيت فيها الفرخة وقفلت عليها ووولعت الفرن على درجة 180ووضعت الشواية على الرف الاوسط فى الفرن
بس خلى بالك غطى صينية الفرن بورق فويل عشان السوائل اللى هاتنزل من الفرخة
واخدت معايا ساعة وربع فى الفرن وطبعا بقلبها على الوجهين
وعملت جمبها مكرونة وسلطة خضراء وسلطة زبادى وبذنجان مخلل
ويارب تكون فرختى الجميلة نالت رضاكم
ميمي