فيليه السمك مع الخضار و ارز القرفة
الطريقة:
منقطع سمك الفيليه قطع عريضة و منحطهن ببايركس و منقطع جزر و بطاطا بشكل طولي و منقليهن نص قلية و منحطهن فوق السمك و منحط شرايح فليفلة خضرة حلوة
التتبيلة:
بصل مبشور و ثوم و زنجبيل و فلفل اسود و ملح و حامض و زيت زيتون و معجون طماطم و شوي مي و بهار سمك، منخلطهم منيح و منصبهن فوق السمك و الخضرة بالبايركس و مندخلها الفرن شي ٢٠ دقيقة و بعدين منكشفها عشان تتحمر.
الارز:
منقطع بصل شرايح و مندبلهن ليصير لونهن بني و منضيف كمية قرفة ناعمة و ملح و مي و منخليهن يغلو منيح ليدبل البصل و منضيف الارز ليستوي. منحط الارز بصحن التقديم و فوقه السمك و الخضار و صحة و هنا