الفراخ المشوية و المحشية
......................................

المقادير
...........

المكونات : زبادي - بصلة مبشورة - طماطم مبشورة - ملح - فلفل - قرفة مطحونة - بابريكا حلوة ( و دي التتبيلة اللي هنتبل بيها الفرخة )

3 فنجانين ارز مغسول - - بصلة مبشورة تاني -الكبد و القوانص بتاعة الفرخة مقطعة صغيرة - ملح - فلفل - كوب ماء ( و ده الخلطة الي هنحشي بيها الفرخة .

بابريكا و معلقة سمنة بلدي ( و دي اللي هندهن بيها الفرخة من فوق

الطريقة
...........

هنغسل الفرخة كويس بالدقيق و الخل و نحطها في التتبيلة بتاعتها اللي هي زبادي - بصلة مبشورة - طماطم مبشورة - ملح - فلفل - قرفة مطحونة - بابريكا حلوة

و نسيبها لمدة 3 ساعات في الصوص ده او ممكن تتبليها من اليوم اللي قبلها و تدخليها التلاجة

بعد كده نحضر الحشو بتاعها من الداخل و هى هنبشر بصلة متوسطة و نشوحها في الزيت مش في السمن لحد ما تصفر شوية بعد كده ننزل عليها بالكبد و القوانص بتاعة الفرخة و نكون مقطعنها قطع صغيرة و نقلب كويس اوي بعد كده نكون غسلين الرز و منشفينه كويس و نحطه عليهم و نحط الملح و الفلفل و البهارات لو عايزة و ننزل عليها بكوب ماء او كوب و نص لحد ما الرز يتشرب تقومي وبعدين تبعديه عن النار و تسبية يبرد علشان تعرفي تمسكية و تحشي بيه الفرخة

بعد كده تشيلي الفرخة من التتبيلة بتاعتها و ماترميش التتبيلة و تبتدي في الحشو و ما تمليش الفرخة بالرز اوي علشان الرز لسه هيكمل سواه في الفرن و هينفش اكتر و طبعا تحشي بين الجلد برده

و تقفلي الفرخة بعد ما تخلصي الحشو بسلاكة الاسنان او بخيط زي ما تحبي و تقفليها كويس علشان الرز يكمل سواه

و تجيبي صينيةو تقطعي فيها بطاطس حلقات و تفرشي بيها الصينية و تحطي شوية من التتبيلة عليها و بعد كده تحطي الفرخة و تغرقيها بباقي التتبيلة فوقها و تجيبي ببريكا و ترشيها عليها من فوق و معلقة سمنة بلدي علي الفرخة من فوق بالفرشاة تغطي الفرخة بيها هي و البابريكا و علي فكرة هي دي اللي حمرتها كده و تحطي عليها كوباية ماية

و تكوني مشغله الفرن من الاول و تدخليها الفرن
و بالهنا و الشفا.