ايدام حبشي - طريقة عمل الايدام الحبشي - طريقة عمل الزقني



كيفكم ياحلوين إن شاء الله تمام

الموووهم

لايفوتكم هذا الايدام بجد روووعة وأحلى مافيه الشطة الحارة


طريقة عمل الزقني



دجاج فيلية صدور ولكي الاختيار ااذا تحبيها مع العظام بس انا احبها مخلية
والبعض يحبها باللحم بس بالدجاج الذ






نصف بصلة
ملعقتين فلفل حبشي (وهي تيجي جاهزة مخلوطة اعتقد )
طبعا اذا تحبي تزودي على حسب رغبتك اذا تحبي الحراق مرة




نصف مكعب ماجي
ثوم بودرة واختياري ..




طماطم مهروس او مخلوط بدون قشر
انا اهرسها واجمدها باكياس في الفريزر لما تزيد علي عشان ماتخرب


ملعقة صلصة



اضع الدجاج في القدر لين تنشف


ثم اضع قليل زيت
واضيف عليها البصل
ثم البهار الحبشي والثوم


واحركها شوية



ثم اضع الماجي والصلصة وثم الطماطم



واتركه يطبخ حتى ينضج الدجاج



وهذا شكله بعد الطبخ تبين لون الخلطة وزاد لون الحمرة فيها والريحة يم يم



وهذا شكلها بعد التقديم


طبعاً اللي بجنب الايدام اسمه لحوح

وهذي طريقة عمل اللحوح
المقادير ..


كاس دقيق ذرة ابيض ..(ذرة ابيض وليس نشا ) اذا جاكي مع نخالته انخليه واستخدم الدقيق الناعم


كاستين دقيق ابيض




*ممكن تحددوها على حسب الكمية بان تستخدمي الدقيق الابيض ضعف دقيق الذرة


ملعقة ص خميرة


شوية ملح

علبة زبادي صغيرة


وكاس ماء دافئ وحسب المقياس وانتي تعجني و تضيفي


وتعجنيه بالمضرب اليدوي .. العجينة تكون لا خفيفة ولا ثقيلة زي سماكة عجينة البان كيك ..



تغطيه
وتخليه يخمر ساعة او ساعتين على حسب الجو
وراح يبين انه تخمر من شكله فقاقيع كما في الصورة ..

وبعد كذا ممكن تستفيدي من بقية الخلطة بيوم ثاني بان تاخذي تخميرته وتزودي عليه دقيق الابيض والذرة ..


نسخن التيفال ونمسحه بزيت
احط ملعقتين كبار من الخلطة

وابدأ احركها بايدي اقصد احرك المقلاه لين تتعبى كلها من العجينة

والخليها شوية لين تنشف واقلبها شوية واشيلها



وهكذا ..

وهذا شكلها بالاخير طبعا بعد كل حبة افردها عشان الحرارة وعشان ماتلصق

وهذي بالاخير

وتاكليها مع الايدام بهالطريقة


أو بهالطريقة تغطيها وتاكليها بالملعقة


وصحة وعافية ..


طبعا لها طرق في طبخها لكن انا حبيتها بالطريقة هذي ماعندي طريقة بس اهم وصلت للطعم اللي ابغاه واحبه وسهل ..
في البعض يحبها بالبيض المسلوق وكلن له رغبته ..
ان شاء الله تنال اعجابكم ....

منقول لعيون