السلام عليكم ورحمة الله وبركاته

الشيف مكاوي يحيكم ويتمنى لكم قضاء اجمل الاوقات مع هذه الفقرة

اليوم اكلتنا ياحبايبي هي (معصوب) :

نعم ليش مستغربين انها المعصوب

اولا قبل البدأ في عمل المعصوب يجب ان تتوفر جميع وسائل السلامة في المطبخ

والان مع الطبخه الجميله الطعمه الزيزه جدا جدا جدا


نبدأ بسم الله :

طيب نبدأ بالمعصوب العادي والاضافات حتكونن في النهايه

المقادير:

نتفق من البداية الكمية حسب العدد وحسب ايش تحب وعلى كيفك
يعني مافي كميات معينه

1- الموز
2- عيش الحب
3- سمن بري بلدي
4 - سكر

5- هيل (اذا تحب اماا اذا ماتحب مو لازم )
6- قشطه (اذا كنت تبغى معصوب بالقشطه)
7- عسل (اذا كنت تبغى معصوب كوكتيل )

طريقة العمل:

يقطع العيش تقطيع مرررره صغير جدا جدا جدا
الموز يقطع قطع قطع لو ينعصد عصد يكون احسن
وياحبذا تخلطهم الاتنين مع بعض وتعصدهم مع بعض

الان جيبو قدر
حطو السمن في القدر
وحطو عليه العيش
وحطو الموز
والسكر
والهيل (اذا تبغى)
وخلوه على النار خمسه دقايق او اكتر شويه او اقل شويه اهم شي لا ينحرق
وهوا على النار اقعد اعصد فيه واخلطه خلط واعصده عصد الين ماتحس انه خلاص ميه ميه
وعلى النهاية خلاص وانت بتقفل النار اذا تحب تحط قشطه او عسل حطها واخلطه شويه وقفل النار على طول
وبعدها حطه في صحون
واذا تحب ترش على سمن رش
واذا تحب تصب عليه عسل صب

واذا كنتم من اهل الاتيكيت
فياحبذا تقطع حبات الفرولة وتوضع على الصحن بشكل جمالي
اماا اذا كان الجو شاعري
في هذه الحالة ضع في وسط الصحن شمعه نتور الصحن

اماا اذا كنت زي حالتنا من الشباب المسكين
فقبل ان تعمل اي حاجه يجب عمل هذا الشي
هوا ان تلبس ثوبك وتشغل سيارتك وتنقز اقرب محل يبيع معصوب
وانا افضل ابوزيد على الصباح الباكر اما اذا كنت تريد قائمة الاصناف والاسعار
فـ الشيف مكاوي يقدمها لك على طبق من ذهب تفضل هنااااا
ويفضل جنب المعصوب حاجه تبلبع بيها مثل :




الشيف مكاوي يهدي صحن المعصوب لاجمل شب في المنتدى
صاحب الوجه الجميل والضحك الجووونان والابتسامه العريض
المشرف المخضرم ولد جدة الشاب اليورو

وبالهناء والعافية