بسم الله

المقادير
للكيكة الاسفنجية

4 بيضات
160غ سكر
100غ دقيق
1 سكر فانيليا

كريمة التوت

120غ او نص علبة ماسكاربون



30صل كريمة للخفق شانتيه يعني الي هي تكون سايلة في الاول و بعدين بعد الخفق تبقى شانتيه


300غ توت و لو ممكن مجمد من كارفور



100غ سكر
3 ملاعق ماء
3 ورقات جيلاتين
بعض حبات التوت

الطريقة لعمل الكيكة
بالمضرب الكهربائي يضرب بياض البيض مع 3 ملاعق سكر لغاية ما يبقى زي الثلج
يضرب الاصفر من باقي كمية السكر و السكر فانيليا
دلوقتي مش حنستعمل المضرب الكهربائي
بملعقة خشب حنضيف الابيض للاصفر على تلات مراحل و بالرفع من تحت لفوق
اخيرا نضيف الدقيق بشويش و نخلط بالملعقة الخشب من تحت لفوق

نقسم العجينة نصين و نجيب صينية بس تكون من الي بيتفتح
المهم تخبز كل وحدة لوحدها على درجة حرارة 180 لمدة 15دقيقة كل وحدة



طريقة عمل الكريمة
تخفق الكريمة الي لازم تكون ساقعة تخفق جيدا ثم تضاف كريمة الماسكاربون



نخفق لمدة 3 دقائق
ركزو كويس قوي لازم الكريمة اللباني تخفق الاول كويس و بعدين الماسكاربون

نجيب كاسرول و نحط فيه التوت و السكر و المية و نسخنهم شوية و بعدين نرحي الكل بالخلاط الكهربائي


قبل كدا نكون حطينا التلات ورقات جيلاتين في مية ساقعة 5 دقائق
و لما التوت و السكر يغلو نخرج الجيلاتين و نعصرو كويس بادينا و نضيفو للتوت و نحرك و نسيبو يبرد تماما
و بعد ما برد نضيف التوت للشانتيه و لو لقيتو ان المزيج حيكون سائل متحطوش التوت كلو
لازم الشانتيه تفضل تقيلة كانها موس
نجيب الكيكة الاولانية نحط عليها شوية كريمة و حبات توت


و نحط الطبقة التانية و نحط الكريمة بس لازم نسيب شوية للزينة



على فكرة انا الكريمة بعد ما ضفتلها التوت جت سايلة جدا فاضطريت اضيف كمان علبة كريم شانتيه و جت متماسكة جدا يعني لو تحبو اضربو الكريمة لوحدها و بعدين ضيفوها للتوت و الكريمة لو جاتكو سايلة انتو كمان

و نحطها في التلاجة 4 ساعات
انا اشتريت قرص من الاقراص الي بيتعملو للقاتوهات الي هما بيتكلو و حطيتها فوق التورتة بعد ما عدة الاربع ساعات
و جبن الباقي من الشانتيه و زينت الجوانب و حوالين الصورة و بعدين زينت بحبات حلوة صغيرين
و بس بقى
يا رب تعجبكم التورتة
متنسونيش بالدعاء

اسيبكم مع الصور






منقول