طريقة معجنات بسيطه بعجينه روعه...... مع حشوه جديده لذيذه بالصور

[SIZE=4]انا جربت كذا عجينه وكلهم تقريبا ظبطوا الحمد لله
بس انا جربت العجينه دى للأخت طوارى وبصراحه العجينه تحفه تحفه وبتفضل طريه لتالت يوم حتى مع الحفظ فى التلاجه من غير تفريز
وكمان جربت احفظ جزء من غير خبز فى الفريزر وطلعتها استخدمتها وبرضه طلعت جميله
مش هطول عليكم اكتر من كده واسيبكم مع الطريقه والصور
معلش انا اختصرت شويه فى تصوير الخطوات واعذورنى انا على قدى فى التصوير والتقديم

المقادير:

 1 ك زبادى
2 ك ماء دافىء
4 مص خميره
4 مك لبن بودره
مص بيكنج بودر
4 مك سكر
مص ملح
12 كوب زيت
دقيق حسب ما تعجن (حوالى كيلو يزيد او يقل)

الطريقه:

 الزبادى+ الميه +الخميره +السكر +الملح +اللبن البودره +الزيت ونخلط كله بالمضرب ونسيب الخليط لغاية اما الخميره تكون الرغوة زى الصوره



نضيف 2 ك دقيق ونخلط ونسيبها شويه تتخمر
نضيف باقى الدقيق كوبايه كوبايه لغاية اما يدينا عجينه لينه شويه
وده شكلها قبل التخمير



نغطى العجينه ونسيبها تخمر وده شكلها بعد ما خمرت



نخرج الهوا ونبتدى نشكل ونحشى
بالنسبه للحشوه
انا شكلت شويه كل شكل بحشوه مختلفه
اول حشوه وهيا جديده بس طعمها تحفه وهيا للأخت طوارى برضه
بنحط مك زيت فى طاسه على النار ولما يسخن نضيف جبنه كيرى مربعات مع 2مك جبنه كريمه ونقلب لغايه لما تدوب خالص (انااستعملت جبنه مثلثات المره دى)



وبعدين نضيف فلفل اخضر واحمر مقطع صغير جدا ونقلب ونسيبها تبردعشان تجمد
الوصفه الاصليه بنضيف فلفل احمر حار بس انا ما ضفتش



نحشى العجينه ونخمر وتدهن باللبن البودره مع شويه ميه وتخبز فى فرن ساخن



بالنسبه لباقى الحشوات
الصرر حشيتها جبنه فيتا + طماطم مقطعه صغير +زيتون اسمر
جزء حشيته بجبنه بيضه مع كسبره خضره
وعملت وردات فى قوال الكب كيك حشيتها بصلصه بيتزا مع قطع جبنه مثلثات او كيرى او جبنه كريمه حسب المتوفر ودى بتبقى طعمها حلو اوى
وجزء حشيته شيكولاته
ودول كلهم مع بعض




وتانى




ودى من تحت




من جوه



وباقى العجينه اللى احتفظت بيها فى الفريزر طلعتها بعد يومين وعملت بيها بيتزا على السريع



.......