حلويات رمضان بالصور 2012، حلويات رمضانية 2012

حلويات رمضان 2012



 الكنافه المبرومه


 المقادير


خذي الكنافه كامله بدون ماتفتتينها وحطي سمن شوي وافركيها

 قصي ورق القصدير لمربعات حطي شوي من الكنافه ثم قطعه جبن كيري ولفيها اصبع رول

 وغلفيها بالقصدير زي الحلاوه

ثم حطيها في قدر الزيت بس يكون مو كثير وتكونين شابه على النار قبل وحطيها لمده دقيقتين بس علشان تتماسك الكنافه

فيه طريقه قالولي خالاتي اني احطها في الفريز علشان تمسك شوي

 نرجع لكنافتنا خليها تبرد شوي وافتحيها شوي شوي انتبهو وش انا قايله



ثم رجعيها للزيت علشان تحمر وتاخذ اللون المطلوب

 ثم اسقيها بالشيره الثقيله وزينيها بالفستق






مثلثات السميد

 خذت مقاديره من احد المنتديات الله يجزها بالجنه

المقادير :

 كاس سميد,

 كاس دقيق

 2 فنجال زيت

م ص بكنج بودر

 م ص خميره

ماء حسب الحاجه

 الطريقه

تعجن جميع المقادير مع أضافت الماء تكون العجينه متوسطه مثل عجينة المطازيز وتفردينها من دون تخمير ونجيب أداة تشكيل الفطائر المثلثات الصغيره ونضع قطعه بعد فردها فرد رهيف شوي ونحشيها جبنه ونكبس الاله عليها ثم تقلى ثم الشيره







بسبوستي

 بيني وبينكم مااحب اللف والدوران ماخذتها من اختي

المقادير

 في الخلاط بيضتين

 علبه قشطه

 م ص BB مليانه

 بعلبه القشطه حطي سكر وزيها زيت <<< شفتو مافيها كثره مواعين

بس اللي عندها شغالها تقيس بالكاس

ثم بعلبه القشطه سميد مرتين ونص العلبه جوز هند

 وحركيها لما تتجانس ثن ادهني الصينيه زيت او طحينه

 وفي الفرن حوالي 20 الى 25 دقيقه

 هذا البسبوسه معتمده عندنا












نجي لبسبوسه الطازج

 روووعه كأنها حقتهم

المقادير

 كاس حليب بودره
 علبه قشطه
 بيضه
 فانيليا
 نص كاس سكر
 نص كاس زيت
 تخلط مع بعض بالمشربكه << مدري وش تسمونها

لما تتجانس ثم حطي كاس سميد وشوي مقدار ملعقه
 وم ك BB
 واخلطيها خفيف وصبيها في صينيه مدهونه بالزيت الخليط ثقيل شوي فرتبي سطح الحلا بشوي زيت

 ثم حددي بالسكين وحطي الصنوبر او اللوز

 ودخليها الفرن على درجه 160 تكونين قبل مشغله الفرن لمده 20 دقيقه
 وحمريها من فوق اذا ماتحمرت وصبي الشيره وقطعيها وبالعافيه










القشطيه

المقادير

علبه قشطه

كاسين دقيق

اخلطيها مع بعض زين ثم افردي رهييييف مره مع وضع دقيق على سطح العمل <<< المخرج عاوز كده

ثم احشيها جبن ثم اقليها بالزيت ثم قدميها مع الشيره





انا بصراحه عجازه فحطيتها بصينيه وحده مع معجنات ولا حطيت شيره الا يوم وصلت عند خالتو والله يعافي بنت خالتو مهيو كملت الباقي << ما اجحد احد





كيكه التوفي

المقادير

5 بيضات
م ص فانيليا
نص كاس سكر
10 ملاعق كبيرة ومليانه حليب بودره
5 ملاعق كبيرة جوز هند
بياله زيت
م ص BB

الطريقه احمسي الحليب لما يشقر

واخلطي معها جوز الهند والبيكنج بودر



في خلاط الكيك

اخلطي البيض مع الفانيلا ثم السكر ثم الزيت لما يفتح لون الخليط



ثم صبيها على الحليب وجوز الهند وقلبيها خفيف لانها تكون منتفشه



ثم في صينيه مدهونه بالزيت وفي االفرن على نار هاديه

مقادير التوفي

كاس سكر فنجال قهوه علبه قشطه

ذوبي السكر والمويه مع بعض لما يبدى يشقر السكر ثم حطي القشطه بالتدريج ملعقه ملعقه

بصراحه اول توفي يضبط بحياتي من غير كتل وطعمه لذيذ

وصبيها على الكيك وخليها تبرد شوي ثم قطعيها

نصيحه جربوها لذيذه





لا تدققون على السواد





حلى التوكس

الطبقة الاولى {طبقة البسكوت}
1 ونص كاس دقيق
م ص باكينج بودر
رشه ملح
ثلاث ارباع الكاس زبده طريه حوالي اصبع ونص
ربع كاس سكر
م ص فانيلا

في زبديه اخلطي الدقيق والبيكنج بودر والملح
في خلاط الكيك امزجي الزبدة مع السكر الى مايصير قوامهم كريمي ثم حطي الفانيلا والمقادير الجافه
راح يكون شكل الخليط متناثر





بطنيها بالقصدير اسهل
ودخليه الفرن الى ان يصير لونه ذهبي تقريبا 10 -15 دقيقه


الطبقة الثانية
نص كاس زبده
نص كاس سكر
م ك كورن سيرب شراب الذره
علبة حليب مكثف محلى كبير

في قدر تذوبين الزبدة السكر والكورن سيرب والحليب على نار هاديه واتركيه الين يغلي الخليط
وبعدين خليه يطبخ على نار هادئة 5 دقائق..{راح تلاحظين مع الوقت يغمق ويصير زي لون الكراميل}
بعدين خليه يبرد براحته
اذا برد افرديه على طبقة البسكوت



برضو لا تدققون طلعت معي قطع بني خفيف

علشان كذا ركزو في هالمرحله

الطبقة الاخيره
250 جرام شوكولاته مره{لازم لان الطبقه الثانيه حااااليه فلازم مر عشان يكسر حلاها}
ذوبيها في حمام مائي وحطيه فوق طبقة الكراميل



تدخل الثلاجه للتتماسك قليلا ثم تقطع مربعات
{يفضل عند التقطيع استخدام سكين تكونين غامسته بمويه دافيه عشان يسهل التقطيع}









التارت

المقادير

كاس دقيق
زبده لينه
4 جبن كيري
تخلط مع بعض لما تتجانس وتلبسين القوالب وخرميها بالشوكه علشان لا تنتفخ وفي الفرن لما تشقر



ثم كسري كورن فلكس ثم جالكسي او توفي وطريقته



حطي علبه المحلى المركز على النار وصبي مويه لما تغطيه وخليه على نار هاديه ساعتين او في الكاتم نص ساعه ولا تفتحينه الا لما يبرد دخليه الثلاجه اسرع