بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين


قدمت لكم قبل كده الخبز الدوكة والنهاردة هنعمل اكلة تانية من الاكلات التراثية النوبية اللذيييييييييييييييييييييييذة الا وهى الجكووووووووووووت
المقادير:

0.5 كيلو ورق سبانخ فريش طازج (بدون العروق او العيدان ورق فقط)



2 ربطة كزبرة خضراء ورق بس بدون العيدان او العروق وطبعا كله مغسول كويس ومتصفى




بامية جافة مطحونة حبة زى اللى فى الطبق دول




شوربة دجاج او لحم او اى شوربة
ملح-فلفل اسود-قليل من الكربوناتو
تقلية (ثوم مفروم -كزبرة جافة مطحونة -زبدة او سمنة او زيت)

الطريقة:
* نغلى الشوربة ومعاها حبة طماطم
* نضيف الكزبرة والسبانخ ونتركها تغلى شوية
* نفركها بالمفراك وهو واضح فى الصورة حتى تنعم تماما والكربوناتو بتساعد انها تنعم




*نضيف البامية الناشفة وهى بتساعد على تماسك الجكوت (مايبقاش صايص)




* نعمل التقلية (نسخن الزبدة او السمن او الزيت ونضيف الثوم المفروم والكزبرة الجافة المطحونة ونشوحها ) ثم نضيفها على الجكوت ونقلب
* نظبط الملح والفلفل الاسود
وده الشكل النهائى






واحنا بناكل الجكوت مع الفتة وهنا عاملة فتة بصلصة الثوم الحمراء






وساعات بنعمله مع بيض او بنعمله فتة مع الخبز
وبالهنا والشفاااااااااااااااااااااا