المعمول بطريقة شيف لطيفة

[شهود]

المعمول بطريقة شيف لطيفة

خلال يوم الثلاث والأربعاء الي فاتو دول قدمت دورة (حلويات العيد) بطلب رسمي من جميعة المرأة وكانت تقريبا فاضية فلبيت الدورة . وكانت دورة جميلة جدا واستمتعت أنا والمشاركات واستفادو جدا جدا وفرحو انهم اتعرفو عليا , وزي اي حاجة اعملها في موضوع هوايتي هواية الطبخ بحب أوثق كل حاجة بالصور علشان تبقى مرجع ليا وتوثيق لإنجازاتي في المجال ده .

وده تقرير بسيط عن الدورة :
عملو اعلانات للدورة ومن ضمنها بانر او اللوحة المضئة في الشارع . وما اخدتش بالي غير تاني يوم الدورة .بس للأسف ما أخدوش رأي لانهم طلبوها بالليل قبل يوم الدورة بيوم فماكانش فيه وقت للمناقشة وحطو بس لوجو او شعار مجلتي مع اسم المجلة (إبداعات شيف إماراتية) كإسم للدورة . لأني دايما بحط صورتي واسمي .وده البنر او اللوحة

والمطبخ بتاعهم جديد ومعمول خصيصاً علشان دوراتي وبس . فطبعا لسة في البداية وبيظطو فية . ولما دخلتو كان فاضي . ومافيش غير الحجات العادية بتوجاز وتلاجة وميكرويف. وبصو هنا مافيش غير شنطتي ومجلتي . والمطبخ نظام أمريكاني علشان يكون مفتوح وسهل لإعطاء الدورات بسهولة .

الدورة كان إسمها (حلويات العيد) عملت خمس أصناف خلال يومين (بيتيفور - بسكويت شوكولاتة - معمول - شوكلت شيب كوكيز - سنابون) وأكيد صورة جزء كبير من الدورات كتوثيق ليا وقلت للإدارة الجمعية اني حنزلها على النت وقالولي هو ده المطلوب .

هنا في أول يوم عملت المعمول ودي الطريقة المصورة الي وزعتها على المشاركات علماً إني دوراتي أقصى عدد بيكون هو 7 علشان لازم الكل يعمل ويطبق قدامي وأقدر أخد وأدي في الكلام مع كل المشاركات عكس لو كان العدد كبير .والموضوع ما يخلاش من ضحك وهزار طبعاً هههه

هنا صورة مقربة لمقادير المعمول بطريقتي

ظبطت الدنيا وكنت جايبة كل حجاتي وهنا لما بدأنا نتكلم عن المكونات والبداية

هنا بعد ما خلصنا كلام عن المكونات كلها . بدأنا نقيس المقادير ونجهز مكونات المعمول

كفاية كلام بقى عن دورة حلويات العيد لشيف لطيفة ونشوف دورة المعمول للفتكات أصحاب شيف لطيفة بإسم الله نبدأ طريقة :-
المعمول بطريقة الشيف/ لطيفة

حستخدم اكواب القياس او الاكواب المعيارية لكن ممكن تستخدمي كوباية الماية العادي بشرط تبقى نفس مقاس الكباية لقياس كل المقادير .

المقادير :
250 جرام زبدة (كوب وربع)
1/2 كوب سكر بودرة
1/4 2 كوب دقيق فاخر منخول
1 معلقة صغيرة باكنج باودر

المكونات الاضافية :
رشة ملح
وللنكهة 1/2 ملعقة صغيرة من الفانيليا
وحنلاظ فوق في ورقة الدورة مكتوب حليب سائل 1/4 كوب ممكن ما نستخدموش غير لو كانت العجينة مفرولة شوية ويادوب شوية علشان زيادة بتخلي المعمول ناشف جدا

وللحشو :
وحنحتاج تمر او عجوة منزوعة النوة . وحنضيف عليها شوية زبدة طرية ورشة قرفة ورشة فانيليا ونعجن العجوة كويس علشان المكونات تندمج مع بعض وبتكون الحشوة رائعة فوق الوصف يا فتوكات عن تجربة والكل بيسألني عن سر العجوة الجميل

وحنعمولها كور صغيرة بالصورة دي وحنخليها على جنب

وللتشكيل المعمول حنحتاج للقوالب المعمول ده شكل القوالب الي نازلة جديد بلاستك وفيها اكتر من شكل . بس القديمة الاصلية بتكون خشب وفيه موديل واحد بس

هنا صوره قريبة لشكل القالب من جو وشكل الرسومات .

[منولا]

شكرا للوصفه