لمكونات:
1كيلو دقيق
نصف كيلو سمنة
2معلقة شاى خميرة جافةفورية
نصف معلقة سكر
معلقة طعام سمسم محمص نصف تحميص
ذرة ملح
معلقة طعام روح الكحك
كوب ماء دافىء فقط للعجن
الطريقة :
ننخل الدقيق مرتين ومعاة ذرة الملح
نضعة فى وعاء ونعمل حفرة فى الوسط ونحط فية السمسم المحمص
نضع السمن فى وعاء نظيف ونقدحة ونعرف انة اتقدح لما نحط فية رشة دقيق لو فارت يبقى اتقدح مظبوط
نصب السمن فى الحفرة بحذر على الحفرة ونبدا نقلب بمعلقة خشبية حتى لا تسود العجينة
ونقلب حتى يختلط الدقيق بالسمن ويتشربة جيدا ونترك الخليط يبرد تماما ودى خطوة مهمة جدا جدا لانجاح الكحك
ودة هيبقى شكلة


بعد كدة ندوب الخميرة فى ربع كوب ماء دافىء من الكوب الى فى المقادير ونصف معلقة السكر ونصيبها تخمر لحد ما يتضاعف حجمها
بعد ما العجينة تبرد تماما نبدا فى خطوة مهمة جدا للحصول على القوام المطلوب للكحك وهى التبسيس يعنى دعك العجينة بباطن اليد هناخد حتة حتة من العجينة وندعكها بباطن اليد وتكررالعملية فى العجينة عدة مرات وخليكى صبورة لان النتيجة بجد تستحق
والخطوة دى مهمة فى زيادة تشرب الدقيق للسمن
ودة هيبقى شكل العجينة بعد التبسيس

نبدا بقى فى العجن نضيف الخميرة وروح الكحك وتلات ارباع الماء هنحطهم شوية شوية على حسب نوع الجين
بس منزودش ابدا عن هذا المقدار والا الكحك هيطلع ناشف جدا منك نبدا ناخد من اطراف العجينة للداخل ونضغط بكف اليد وهى مكورة وهكذا من كل جوانب العجينة هتلاقى العجينة بدات تلم نفسها وتتجانس ولونها هيبقى فاتح نغطى العجينة ونسيبها تخمر ساعة
ودة شكلها بعد العجن


بعد ما تخمر نبتدى ننقش وانا اخترت اصغر شكل فى النقش ودة شكلة


ونبدا نرص فى الصاج بتاع الفرن يدوبك الكيلو على قد الصاج وعمل 75 واحدة بالظبط


ونرص الكحك بعيد عن بعض شويةونسيبة يخمر لمدة نصف ساعة او اقل على حسب حرارة الجو
وندخلة فرن متوسط الحرارة اول ما تلاقى القعر بتاعة بنى فاتح طلعية من الفرن ومتشليهوش من الصاج الا بعد ما يبرد خالص
ودة شكلة النهائى


بجد رووووووووووووووووووووووعة واحلى من الجاهز بكتيررررررررررر
وطبعا قدمت معاة
الطبق المشهور بتاع الاعياد



واخيرا بحبكم فى الله ومتنسوش تدعولى انا واولادى بالستر فى الدنيا والاخرة
وبتمنى اكون افدتكم ومستنية ردودكم