كل سنة وانتوا طيبين كيك بالزبيب والفواكة المسكرة



المقادير
3كوب دقيق منخول مرتين
1كوب زبدة او زيت
1كوب لبن او عصير برتقال او زبادى
1ونص كوب سكر بودرة
1بيكنج بودر
4بيضات
2فانيليا
عصير2ليمونة



زبيب/ مشمشية /قراصيا (متقطعة قطع صغيرة)


الطريقة
ضربت الزبدة الاول لحد ما لونها فتح شوية
وبعدين نزلت عليها بالسكر البودرة على مرتين



وبعدين ضيفت البيض واحدة واحدة وضربتها شوية تانى لحد ما اتضاعف حجمها



ونزلت بالدقيق عليها بالتدريج على كذا دفعة وقلبت بالراحة بمعلقة خشب
وبعدين عصير الليمونتين
واخيرا البودر وقلبته مع الخليط



و صبيتها فى قالب كيك مدهون سمن ومرشوش دقيق



وحطيت الزبيب والمشمشية والقراصيا على الوش وغطيتهم بطبقة خفيفة من الكيك



ودخلتها الفرن ودا شكلها لما طلعت



ودى لما قلبتها هى غامقة شوية من تحت معلشى اصل انا اول مرة استخدم القوالب دى فمخدتش وقت



ودى لما قطعتها



انا عملت قد المقادير دى مرة ونص على فكرة عملت قالبين زى ده
للامانة موضوع الليمون والبودر اللى بيضاف الاخر ده شفته هنا فى موضوع لاخت مش فاكرة اسمها وقلت اجرب بس الحمدلله الاختراع نجح
وبكده استفدت من بواقى الياميش وعملت حاجة جديدة للولاد ياريت اللى تعجبها تقيم يا بنات