بالصور دجاج مشوي بالاعشاب وعصير البرتقال... من مطبخي

بسم الله الرحمن الرحيم
نبدي
اول شي نظفي الدجاج زين وغسليها ومسحيها بالطحين من برا وداخل وخليها نص ساعه وبعدها غسليها زين عن الطحين
وبالشوكه خرمي جلد الدجاجه عشان تمتص التتبيله عدل
التتبيله
عصير برتقالتين ويفضل البرتقال الحامض
2 ملعقه كبيره صويا صوص + فصين ثوم داقتهم
ملح وكمون
البهارات الخشنه والاعشاب(( فلفل اسود مطحون خشن طازج+ مجموعه اعشاب ايطاليه خشنه تحصلينها بالسوبر ماركت وكارفور مخلوطه فيها ريحان وزعتر بري ومراميه + روز ماري خشن))+ زيت زيتون+ فلفل احمر
خلي الدجاجه بهذي التتبيله تقريبا ساعه بعدها حطيه بصينيه فرن
وحطي شويه من التتبيله على الدجاجه واشويها بالفرن بدون ماتغطينها ربع ساعه بعدها غطي الصينيه وخليها نص ساعه بالفرن عشان تستوي بعدين شيلي الغطا ورشيها بشويه بقصمات عشان تحمر اكثر وسكري النار بس خلي النار من فوق عشان تعطي لون حلو خليها مابين 10 دقايق او اكثر لما تحمر زين وقدميها مع بطاط مشوي





وحمسه الفاصوليا
قصصي فاصوليا طازجه وفوحيها نص فوحه
قصصي بيدجانه مكعبات واقليها بشويه زيت
حمسي راسه بصل مع فصين ثوم بزيت زيتون وقطي فوقهم الفاصوليه مع كركم شويه وفلفل اسود وملح وحمسيهم زين
حط عليهم تقريبا ملعقتين صويا وقطي البيدجانه فوقهم وحركيهم بعدها حطي ملعقه معجون وملعقه صلصه السومطرا شكلها نفس الكتشب صوص تعطيها شويه حلات على فلفل وثوم تخلي نكهتها تجنن