( الوصفة الجاية دى احتمال محدش يفهم منها حاجة هههههههه
ممكن بتوع الخليج بس اللى هيفهموها )
عيش اشبنت وباجلاالخضراء
(شبت وفول اخضر)
المقادير + الطريقه
===========
4 شدات اشبنت فرميهم ناعم
2 بصل مفروم+ 2 ثوم مفروم+ قطعه صغيره من الزنجبيل مفرومه
حبه طماط صغيره مبشوره
زعفران منقع بربع كوب ماي دافي
كيس باجلا اوفول اخضر مثلج مقشر
ديايه مغسله وفركيها زين بالطحين والملح وخليها ربع ساعه بعدين غسليها عدل من الطحين
وحمسي البصل وحطي عليه الثوم والزنجبيل ولما يحمرون حطي عليهم الديايه وقلبيها وحطي عليها ورقتين غار وحبتين هيل عدل وحبه ليمون اسود وقلبيهم
حطي عليها الطماطه وقفشه كبيره من بهارات المجبوس وقلبيها مع الديايه
بعدها حطي عليها ماي مغلي الى ان تغطي الديايه
وخليها تقريبا تطبخ على حسب حجم الديايه انا ماخذت مني تقريبا ساعه الاربع ولاتنسين الملح
ملاحظه( خلي من مرقه الدياي تقريبا 3 اكواب بس)
اشيل الدياي من المروق وحطيها بصينيه فرن وحطي فوقها شويه زين ورشيها بشويه دارسين(قرفه)
اخذي ماي الديايه وحطي عليها الباجلا الخضرا( الفول الاخضر)+ قفشتين كبار من الاشبنت وخليهم يغلون تقريبا مابين 5 الى 10 دقايق لما تلين الباجلا سكري النار وخلي المروق يمج الي فيه الاشبنت والباجلا
اما العيش تغسلينه وتنقعينه نص ساعه وتغلين ماي وملح وتسلقين فيه العيش وخليه يستوي ثلاث ارباع سوا وخليه بالمشخل وحطي فوقه الاشبنت وخلطيه واهو بالمشخل
في جدر صغير حطي نص قفشه زبده وسيحيها على النار وحطي عليها الماي بالزعفران
اخذي من العيش الي بالمشخل شويه ( تقريبا ملاسين او3 عيش) وحطيهم على الزعفران وخليه يستوي معاه على نار خفيفه
اما باجي العيش حطيه في جدر فيه شويه زيت يمكن قفشتين وحطي عليه العيش على طبقات طبقه عيش وطبقه مروق الدياي بالباجلا
بالاخر حمسي بصله مفرومه بشويه زيت وحطيها على العيش
وغطيه وخليه يتسكر على حديده بنار هاديه
لما يتسكر اللحين انيي حق النجاب اول شي حطي العيش بالاشبنت
وعلى جنب عيش الزعفران
وحطي الديايه بعد ماحمرتيها بالفرن فوق العيش
لاتنسين الدقوس والطرشي
واكلوووووووووووو بالعافيه وبسم الله
منقول
المفضلات