قلت باه لازم اعمل موضوع سخن مولع عشان يدفى اخواتى فى البرد ده هههههه ولازم كمان تكون طريقه جديده غير
النهارده عملت الزلابيه بس مش اى زلابيه معاه سر خطير يلا ندخل على المقادير
كوبايه ونص دقيق
معلقه كبيره خميره فوريه
معلقه سكر
كوبايه ونص ميه دافيه
طبعا بتقولوا وايه الجديد؟
اقولكم الجديد باه هو
معلقه كبيره كاسترد
كاااااااااااااسترد على الزلابيه ليه يا فتوكه ؟
اقولك الاول بيدى العجينه لون تحفه وطعم يجنن للعجينه لدرجه انك ممكن تاكليها من غير سكر
الشىء التانى والمهم اوى انه لما تيجى تحمريها بيعمل غلاف صلب حوالين الوحدايه بيمنع انها تشرب زيت فبتبقى خفيفه جدا وصحيه جدا جدااا ومش هتبطلوا تدعولى
دى كانت المقادير


الدقيق مع الخميره والسكر ومعاهم معلقه الكاسترد
بعد كده هنضيف الميه ونخلطها كويس جدا بايدنا عشان ميبقاش فيها اى تكتلات دقيق او كاسترد وهيبقى قوامها زى قوام الكيك بالظبط
ودى صورتها بعد ما خلطت المقادير


هههههههههه مش عارفه الصوره مقلوبه ليه ؟
مااااا علينااااااااا بعد كده نسيبها تختمر نص ساعه وهيبقى شكلها كده


بعد كده هتحضرى زيت عميق سخن وتجيبى معلقه صغيره تبليها ميه وتقطعى بيها وتنزلى فى الزيت كل مره تبلى المعلقه هتطلع معاكى مظبوطه ومتساويه الى حد كبير انا معملتش كده كنت مستعجله هتلاقوها مش متظبطه اوى يعنى سامحونى باه
وده كان شكلها بعد التحمير

اد ايه لونها جميل وكمان هاشه ومفيهاش زيت
وده شكلها بعد ما رشيت عليها دبس التمر وده عسل تمر موجود فى الخليج بصراحه مش عارفه فى مصر ولا ايه بيديها طعم تحفه احلى من السكر والشربات
وممكن انتى يا فتوكه ترشيها بمعلقه عسل اسود بتقى اجمل واجمل وتغيير عن السكر يعنى
وده كان شكلها النهائى يلا اتفضلوا يا فتوكات مدوا ايديكم ماتتكسفوش ده بتاعكم


استنى انتى وهى قبل ما تاكلى الاول سمى الله بعدين اكتيلى رد حلو زيك كده ووراه تقييم عشان السرده مش ببلاش كده وبعدين كلى بالف هناااااااااااااااااااا ولو عاوزه تانى من عنياااااااا
اللى مش هتقيم باه تاكل مفيش مشكله بس الوصفه مش هتنجح معاها ههههههههههه
يلا بسرعه مستنيه ردودك اللى هتسعدنى والى ان القاكم فى مره اخرى
دمتم فى حفظ الله