اليوم يايبتلكم كفته او هامبورجر بالجبنه
انا اسميها كفتة الطفوله لان ماما كانت ولازالت تعملها على طول والكل يحبها صغار وكبار
فحبيت انا اعمل كميه لولادي كمان لانها افيد واصح من الجاهز والمثلج
انا اساسا بقيت زي ماما اعمل منها كميه واحفظهم بالفريزر زي الهامبورجر
كمان للرجيم بتبقى جامده انك تاكلي حتتين مع طبق سلطه يبقى غدا معتبر


نخش بالمفيد

نجيب 2 كيلو لحمه مفرومه انا بحب اللحمه الغنم انتي ممكن تحطي بقري
دي تعمل 24 حبه تقريبا
بجيبها فريش من اللحام وبغسلها واخليها في المصفه تنزل الدم والميه
انا عارفه ان في كتير يستغربوا اني بغسل اللحمه بس هذي طريقتنا في الكويت
انتو ممكن متغسلوهاش لو عايزين



حطيت بصلتين مبشورين وعليهم نفس الكميه بقدونس مش كتير يدوب ريحه
مع معلقتين ماسترد(اختياري) وفلفل اسود وملح وبس




نعمل العجينه وبعدين ناخذ شويه ونفردها في طبق او صنيه او طاوله المهم مكان فاضي ومريح للتقريص




نحط على القطعه اللي فردناها شوية جبنة شيدر انا بحب ماركة فونك وانتي ممكن اي ماركه تعجبك المهم شيدر مش اي نوع ثاني
علشان توصلي للطعم بتاعي



نجيب طبقة لحمه ثانيه ونغطيها



نجيب كباية حجمها مناسب ونعمل القياس بتاعنا اللي حنمشي عليه لكل الكفته بتاعتنا



تشيليها بحذر وتقفليها كويس وتحفظيها بالطريقه اللي تحبيها بالفريزر



طريقة طبخها بئه انك تدخليها في صنيه في الفرن وتولعي الفرن 180-200 من فوق وتحت
وتخليها تتحمر وتشرب ميتها وتطلع كل الدهون اللي فيها



تبقى بالشكل ده



دي من جوه سايحه ونايحه وجميله جدا



يارب يكون موضوعي عجبكم زمتنسونيش من صالح دعائكم ولكم مثل ما دعيتولي واكثر ان شاء الله