السلام عليكم ورحمة الله وبركاته
النهارده انا جايبالكم طريقة للفراخ انما ايه هتعجبكم اوى ان شاء الله


هدخل على طول علشان مبحبش الرغى

اول حاجه المقادير :

ملح فلفل كارى قرفه شطه زبادى مسترده بصل
تحطى التتبيله عليها وتحت الجلد وياريت تبات كده بتبقى احلى




واااااااااااااااااادى الفرخه فى التتبيله


بعد كده نحضر الكوسه ولو عايزه بطاطس مفيش مشكله وممكن برده بسله براحتك يعنى


نجيب الكوسه ونقطعها كده او زى ما تحبى




وبعدين البصله وعليه ملح وفلفل



وبعدددين نحط البصل على الكوسه وعليهم طماطمايه واحده معصوره وبكده تكون تحضير الكوسه كمان خلص



نيجى بقى للتسويه


نحط الفرخه فى السيخ بتاع الشوايه ونثبتها من الجناب




وبعدين نحطها فى الفرن وتحتها الكوسه



بصوا بقى اللى معندهمش سيخ ممكن تقطعيها وتحطيها على الشبكه فوق الكوسه بس خلى بالك ان الفرخه تبقى فوق الكوسه مباشرة لانها بتنزل صوص ولو نزل على الفرن نفسه هيدخن وعلى فكره انتى مبتولعيش الفرن من فوق خالص تحت بس
المهم نسيبها تقريبا ساعه واحنا عاملين الفرن على اعلى حاجه ودى بعد ساعه




ونيجى لاصعب خطوه وهى انك تقلبيها براحه كده دخلى معلقتين طوال وحاولى تقلبيها على الناحيه التانيه ودى بعد القلب





وتابعيها كده بتاخد حوالى نص ساعه وطبعا فى الوقت ده لو الكوسه احتاجت ميه زودى ودى بعد ما خلصت


[FONT='Arial','sans-serif']



وادى طبق

وقبل الطبق طبعا واضح ان طلع عينى والله فى الموضوع وطبعا موضوعى مش منقول ولا حاجه انا بس عايزه الدعاء ان ربنا يصلح لى الحال