نصائح اخوية لكن بدون ضحك

[سائر في ربى الزمن]

هناك سلوكيات خاطئة كثيرة في مجتمعنا فحبيت أن

أوضح لكم الخطأ... وأحاول أن أصلحه لكم بسلوك تربوي حضاري ...

يالله بسم الله نبدأ ..
::::::

خطأ :عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...
الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...ثم ..تقوله شيل الكتب .. ومرة ثانية فتح عيونك يالوح ..
:::::

خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لحد ما يقول العيد بكره ...

ثم ..قله مرة ثانية تصير الاشارة خضراء .. تصير حمراء .. تصير زرقاء ... اسكت
:::::

خطأ : تدخل الجامعة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه الصبوره وتطلع ..
ثم ..قبل لا تطلع تقوله لا صار جامعه ابوك اطرد الطلبه..
:::::::

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح ]: تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ...
ثم ..تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
خذ العلبه... وحطّها بمخباته ... وقله لاتطلعها من مخباتك الا اذا رحنا ...
:::::

خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهاوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..ثم ..

قل بينك وبين نفسك ... ماعمري أحلّق عنده ...
::::::

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه

الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...

إن صاح خير ونعمة ...وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...

أكيد مب متحمل لين وقت الصلاة الثانية ... وعلى مسؤوليتي بيصيح ..
:::::

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني
:::::

خطأ: ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول ..
الله يقطعهم ماخلوني أنام .. وتواصل للصبح ....

الصحيح :اول شي تروح تدور دريل بالبيت وبعدين تروح وتصعدله ولا تدق الباب ولا الجرس اضرب الباب بدريل لين يفتح وتحط الدريل براسه لحد تصيرالفتحات بجنب بعض
:::::

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ..
:::::

خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم وتجلس اتأسف وكأنك مسوي جريمه

الصحيح :المفروض تكتب اقراوا وانتم ساكتين واذا طولت موضوعي وكيفي والي مو عاجبه لا يقرا







محبكم الناصح

[شهود]

لا إله الإ الله



أخونا فهد خلاص بعد الهندسة طفش من الدكتور وأصدم مع صديقة حاله حال



والله ما فهمت الموقف الأول الإ بعد ما قرأت أكثر من مرتين

مش فاهمة

بالأخير فهمت أنه مقلب أخونا فهد مشااااااااااااغب لا ينفع تكون محامي المحامي لا بد من أن يكون صبورا


ههههههههههههههههههههههههه

[عابر سبيل]

ههههههههههه

حلوة المقالب دي
متشكر يا فندم بس انا فهمت كل حاجة
اشمعنا انا
يعني ههههههه
باي اشوفكم علي خير

انا عضو جديد معك من مصر
شغال في الديكورات وحبيت اسجل معكم

[ngm]

ههههههههههه مشكور اخي

[ام الخزامى]

????????????????
بس حلوه
مع اني ضد هذه الحركات طبع موفق بإذن الله ... لك مني أجمل تحية .

[ناظر العنابي]

هههههه
تشكر يا اخي
موفق بإذن الله ... لك مني أجمل تحية .

[عاشق المعهد]

ههههههههههههه
حلوه يسلموووووووو