عليكم ورحمة الله وبركاته


أخواتي العزيزات... اليوم المسا سويت بعض الفطاير والحمدلله طلعت حلوه والطعم لذيذ..

بالنسبة للعجينة.. غيرت طريقتي هالمرة وقلت أجرب طريقة قرأتها من فترة في إحدى المنتديات لأنها عجينة تتخمر عشر دقائق بس وهي لعضوة اسمها فيافي وما شاء الله العجينة ممتازة ومضبوطة وما تآخذ وقت.

">ما شاء الله لا قوة إلا بالله

عجينة العشر دقايق

فنجان قهوة سكر، 2 ملعقة أكل خميرة، 2 كاس دقيق، 2 كاس مويه دافيه، رشة ملح
تخلط المقادير مع بعض ونتركها لمدة 10 دقايق... بعد ذلك
نضيف لها 3< كاسات دقيق، نص كاسة زيت

ونعجنها ونضربها جيدا باليد.. بصراحة مقاديرها روعه لانك بتحسين بطراوتها وسهولة عجنها.. هذي الصورة صورتها لكم..الكمية بتكون كبيرة.. وتنفع تسوين فيها كذا شكل..






<span style="color:green">الحشوة:</span>

الحشوة هالمرة جديدة تأليف وقلت اشوف كيف الطعم وكانت لذيذة..

<span style="color:darkblue">بطاطس مهروسة، فلفل أخضر بارد، مشروم مقطع صغير، بصل، ثوم، كمون حب، ملح، فلفل أسود، بهارات، زعتر ناشف مطحون.</span>

طبعا نحمس البصل وبعدين الثوم وبعدين الفلفل البارد والمشروم والبقية..



البطاطس في الخلاط عشان ينهرس مع ملعقتين او ثلاث جبن كاسات وشوية حليب سايل.


وكذا يكون شكل الحشوة


شكليها على كيفك.. سويتها كذا بس بعدين قلت ليتني عملتها صغيرة..




سويت بعض الفطاير بالجبن.. وشوية بالزعتر (على فكرة الحشوة زادت وحفظتها بالثلاجة). رصيها في صينية مدهونة وادهني الفطاير بالبيض ورشي حبه سوده ..حطيها بالفرن على درجة متوسطة وراقبيها.. ومتى ما تستوي من تحت افتحي شوية من فوق عشان تتحمر.



بنفس العجينة سويت خلية نحل بالجبن والنعناع وشوية سنمون رول.. طبعا احتجت من تساعدني بالحشو لأن العجينة كبيرة وقلت انوّع أفضل.. خلي بنتك او اختك يساعدونك..

عشان الترتيب راح احط صور الفطاير بعد الخبز..





ملاحظة فطاير الزعتر تستوي بسرعه لا تنسونها بالفرن كثير



بنفس العجينة استخدمتها لخلية نحل..

16 حبة جبن مثلثات مراعي، نعناع طازج مقطع صغير

طبعا في الصوره هنا للحين ما سويت الفطاير الأولية ابتديت بخلية النحل..


ندهن الوجه بالبيض، ونرش حبه سوده وسمسم، وفي الفرن على نار متوسطه. بعدين شوي من فوق


وهذا شكلها بعد الخبز





العجينة حلوه وصارت طريه تذوب في الفم ما شاء الله.. :yum:


بقت من العجينة شوية.. ما شاء الله فيها البركة.. فسويتها سنمون رول..هذي أول مره اسوي كم نوع مره وحده عشان كذا قلت لو احد يساعدك يكون افضل.. لان الظهر تيبببس وتألم من القعدة :unsure:

الحشوة.. سكر بني، قرفه..

تفردين العجينة .. دهنتها بزيت.. لأنه ما توفر عندي الزبدة.. وبعدين رشي السكر والقرفه.. ولفيها مثل ماهو موضح بالصورة..


جيبي خيط نظيف مغسول وقطعيها لحلقات.. وإذا النهاية (القاعدة) ما تقطعت عليك بسكينة البيتزا الدائرية بس عشان تفصلينها من تحت..


رصيها في صينية مدهونه بالزيت، وخليها تستوي من تحت ومره قليل من فوق..


صبي عليها شوية حليب محلى مركز.. بس لأن السنمبون طلع شوي في عدده سويت الوجه بهذي المقادير

شوية سكر، شوية حليب.. تخلينهم يغلون بعدين نص ملعقة أكل جبن كاسات (عندي المراعي بطعم القشطه فكانت طيبه لانها مهي مالحة) لما تطلعينها من الفرن صبي على الوجه بشكل عشوائي.

وهذي شكلها..





الحمدلله كانت حلوه.. وما شاء الله العجينة كانت مضبوطه.. فأتمنى تجربونها وتعجبكم..

ولا تنسوني من صالح دعائكم.. محتاجه لدعواتكم كثير والله :rf: