إحم ..
انا عضو جديد .. لسه مسجل حالاً .. كنت بعمل سيرش عن دروس في الإخراج .. فلاقيت ان المنتدى هنا تحفة بجد ..
غالباً مبحبش اسجل في منتديات كتير .. مش لحاجة .. بس هي دماغ تعبانة مني مش اكتر ..
انا طالب في هندسة عين شمس .. تانية مدني .. مقبل عليها ان شاء الله ..
اشتغلت في مسرحية تبع الكلية .. كتابةً .. بعدها اتعلمت شوية اخراج مسرحي .. و عملت مسرحية من تأليفي واخراجي .. طبعا كانت تعبانة حصبة ..
بس حسيت اني عايز ادخل المجال ده .. بس كنت محتاج تأصيل ودراسة ..
كنت عايز نصيحة الإخوة هنا بمنهجية لدراسة الإخراج .. مع العلم ان وقتي ضيق جداً عشان دراسة الهندسة ومش هقدر التحق بكورسات وكده .. وفي الاجازة بنزل تدريب في مواقع بناء وكده ..
تقلت عليكو ؟ بس مستبشر خير بالروح هنا في المنتدى ..
المفضلات