2 كجم كوسه متوسطه الحجم
1\2 كجم أرز مصرى
1\2 كجم طماطم مقشره ومفرومه نسبكها
1 معلقه ص كمون
1 معلقه ص نعناع جاف
1\2 معلقه ص فلفل أسمر
1\4 معلقه ص كزبره ناشفه
1\4 معلقه ص بهارات مشكله
2 معلقه ك زيت نباتى و2سمنه
1 بصله ك
تشكيله من الخضره المفرومه كزبره وبقدونس وشبت)
مقدار من الشوربه
ملح حسب الرغبه
بقور الكوسه وبغسلها كويس اوى وبحطها فى مصفى تنزل الميه الزياده
بغسل الرز وبنقعه حوالى 15 دقيقه وبعدين بصفيه كويس
بفرم البصله فرم ناعم فى الكبه ومعاها الفلفل الأسمر والنعناع الجاف وبحطهم على الرز المغسول وبضيف عليهم الطماطم والخضره وباقى التوابل(كزبره ناشفه وكمون وبهارات) وأخيرا الملح والزيت وبلقب الخليط كويس أوى...
ببدأ فى حشو وحدات الكوسه وناخد بالنا اننا ما نكبسهاش أوى ونسيب مساحه لتمدد الرز والخلطه وأنا مش بقفلها من فوق بس اللى يحب ممكن يقفلها بقطع من قلب الكوسه اللى طلع وإحنا بنقورها وممكن كمان بمكعبات طماطم...
برص الكوسه فى صينيه فرن وبحط عليها مقدار من الشوربه ( شوربه تكون سخنه ) والمقدار مايعديش نص ارتفاعها لأن الكوسه طبيعى بتنزل ميه .....
بغطى الكوسه وبحطها على النار حوالى 15 دقيقه وبعد كده بشيل الغطا وبدخلها على شبكه الفرن اللى بكون مسخناه على 200 م وبسيب الكوسه لحد ما تشرب كل السائل بتاعها وأطمن انها استوت بطفى الفرن وأحطها تحت الشوايه يدوب تتحمر شويه مش أكتر من 3 دقايق #وبالهنا