مفاتيح انقاص الوزن في رمضان
إختاري مشروبك بدقة:
رمضان عموماً ببحتاج مشروبات وسوائل كتير عشان تعوضي بيهم صيام اليوم ونقص الماء.

كل اللي عليكي إنك تتجنبي شرب العصاير اللي فيها سكر كتير، وبلاش مشروبات غازية ومشروبات الطاقة، لأنهم بيحتووا على سعرات حرارية عالية جداً، زائد إن مالهمش قيمة غذائية ممكن تفيدك.

قللي من الحلويات:
خلي تناول الحلويات في فترة انقاص الوزن في رمضان عبارة عن مجرد تذوق قطعة صغيرة جداً في اليوم،

لأن الحلويات فيها سعرات حرارية عالية، وممكن تستبدليها بالفواكه اللذيذة، او الشوكولاتة الداكنة،
أو القطايف المشوية في الفرن مع جوز الهند اللذيذ.

إستبدلي الحبوب المقشرة بالحبوب الكاملة:
يعني بلاش الدقيق الأبيض والرز الأبيض، لأنهم لا يحتوون على ألياف غذائية، وعشان كده بتضطري إنك تاكلي كتير منها عشان تشبعي.

أما بالنسبة للحبوب الكاملة زي البرغل والقمح الكامل، والشعير والرز البني، تحتوي على ألياف غذائية بنسبة كبيرة بتحسسك بالشبع.


متكتريش في إستهلاكك للتمر:
كل حبة من التمر فيها حوالي ٥٠ سعر حراري، والتمر أكتر الفواكه اللي فيها أعلى تركيز من السكر بالمقارنة بالفواكه التانية،

يكفي ٣ تمرات في اليوم.

إمتنعي عن المقليات:
المقليات عموماً حتى لو بكميات قليلة بتزود جسمك بشكل مش طبيعي، لأن كل معلقة من الزيت المقدوح أياً كان نوعه إيه يحتوي على ٩٠ سعر حراري.

إتجنبي المقليات مثل البطاطس، والسمك المقلي، والطعمية، والخضروات المقلية.
لأن فيها سعرات حرارية كبيرة وكمان بتعمل عسر هضم في رمضان.

أكثري من الخضار الطازة:
في رمضان بتزيد فايدة الخضروات الطازة، لأنها بتزود الجسم بالفيتامينات والمعادن اللي بيحتاجها الجسم، وكمان سهلة الهضم، وقليلة في السعرات الحرارية، وبتساعدك في الشعور بالشبع.

والوجبة الرمضانية في رجيم رمضان لازم يكون الخضار يمتلك نص حجمها على الأقل.
إما أن يكون الخضار على شكل شوربة أو سلطة طازة.

بلاش تشبعي في الفطار لدرجة التخمة:
اسمعي كلام معدتك، هتلاقي نفسك بتاكلي لحد ما توصلي لدرجة مريحة من الشبع،

هتحسي بعدها بالخفة والنشاط، وكمان مزاجك هيكون كويس.
وعشان كده بنصحك إنك تقسمي فطارك لوجبتين صغيرتين، بدل ما تكون وجبة واحدة وكبيرة،
ده هيساعدك خلال رجيم رمضان 30 كيلو إن جدار معدتك ينقبض وبالتالي المعدة هتصغر.


المجهود الحركي:
والمعروف علمياً إن أكتر حاجة بتحرق السعرات الحرارية هي المجهود البدني، وأفضل وقت للقيام بالمجهود ده في فترة الصيام هو ما بعد الفطار.

زي المشي للتراويح، أو المشي نص ساعة يومياً خمس أيام في الأسبوع.
وزي ما فيه مفاتيح لانقاص الوزن في رمضان فيه كمان أسرار رجيم رمضان 30 كيلو ، خمس أسرار مهمة إكتشفها خبراء التغذية لتخفيف وزنك بشكل طبيعي وبسهولة في شهر رمضان،
ووجدوا إن سر انقاص الوزن في رمضان مبيعتمدش على النظام والرجيم بس، بل باتباع بعض من العادات والأسرار اللي بتنقص وزنك في رمضان.


أسرار رجيم رمضان 30 كيلو:
تناولي كوباية واحدة من الماء على الفطار:
لو تناولتي أكتر من كوباية ماء على الفطار ده بيسبب تمدد للعصارات الهضمية، وبتتوسع المعدة، لذلك لا تتناولي أكتر من كوباية على الفطار، وبعد وجبة الفطار تناولي ما تشائين من الماء.


كوباية الليمون بالبقدونس الخطيرة:
الليمون مع البقدونش من المشروبات الحارقة للدهون، لو شربتي كوباية كل يوم بعد صلاة التراويح هتحرقي الدهون في جسمك، وكمان هيساعد في رفع نسبة عملية الإستقلاب في الجسم.


السحور الحارق:
وجبة السحور مهمة جداً في فترة الصيام و إنقاص الوزن في رمضان ، خلي وجبة السحور فيها بيض مسلوق أو لبن مع برتقالة أو تمر أو خيار وجبنة،

هتساعدك الوجبة الحارقة دي في زيادة معدل حق الدهون في الجسم، ورفع نسبة الإستقلاب في جسمك.


هدخل معاكي دلوقتي على لُب الموضوع وهو نظام رجيم رمضان 30 كيلو ، وهيكون عبارة عن رجيم أسبوع وتكرريه حتى آخر شهر رمضان.
​لا تفوتي الفرصة: جداول تمارين و خطط دايت و رجيم لتنقصي وزنك بسهولة. إضغطي هنا للتحميل المجاني!

أفضل رجيم رمضان 30 كيلو:
السحور:
السحور هيكون ثابت طول شهر رمضان، وهيبقى عبارة عن كوباية لبن رايب أو كوباية زبادي منزوعة الدسم، بالإضافة لأي حاجة من التالي:

جبنة قريش من غير دسم+ بيضة مسلوقة+ رغيف عيش أسمر.
سلطة البطاطس+ جزر.
طبق فول بزيت الزيتون+ حزمة من البقدونس+ رغيف عيش بلدي أسمر.

بعد الفطار:
بعد الفطار مباشر إشربي كوباية ماء أو كوباية من اللبن من غير دسم+ 3 تمرات.

وارتاحي 20 دقيقة على الأقل، قبل وجبة الفطار التالية.

الفطار:
فطار اليوم الأول:
خمس معالق رز مسلوق بزيت الزيتون.
صدر فرخة مشوية من غير أي دهون.
طبق شوربة خضار سوتيه.

فطار اليوم التاني:
شيش طاووق.
قطعة من المكرونة في الفرن.
سلطة خضرا طازة.
طبق شوربة سادة.

فطار اليوم التالت:
طبق رز بسمتي صغير.
شوربة لسان العصفور.
ربع كيلو كفتة مشوية.
طبق سلطة خضرا طازة.

فطار اليوم الرابع:
طبق شوربة سي فود.
سمكة كبيرة مشوية.
5 معالق رز مسلوق بزيت الزيتون.
طبق سلطة خضرا طازة.

فطار اليوم الخامس:
خضار مشكل باللحمة (تورلي).
طبق شوربة شعيرية.
طبق سلطة خضراء.
5 معالق رز مسلوق.

فطار اليوم السادس:
أي نوع من الخضار المطبوخ ويكون بزيت الزيتون.
طبق شوربة لسان العصفور.
فراخ مشوية خالية من الدهون.
سلطة خضراء.

فطار اليوم السابع:
شرايح لحمة باردة.
5 معالق مكرونة.
طبق شوربة خضار سوتيه.

قبل التراويح:
كوباية عصير طازة من أي نوع فاكهة، ويُفضل البرتقال.
بعد التراويح:
في حالة صلاتك لصلاة التراويح وحركة جسمك في الصلاة، ممكن تتناولي بعدها أي حاجة من التالي:
كوباية من الخشاف (3 مشميات+ 3 آراسيا+ 7 تمرات).
أو ربع بطيخة.
أو طبق سلطة فواكه.

ملحوظات هامة لهذا الرجيم:
كرري الأسبوع حتى نهاية شهر رمضان.
الرجيم ليه فاعلية خلال شهر رمضان بس، أما بعد رمضان فيه أنواع تانية من الرجيم تخص باقي الشهور.
hشربي الشوربة وهي دافية متكونش سخنة.
واشربي الماء بارد أو فاتر ميكونش مثلج.

والكتير بيعتقد إن رمضان مينفعش فيه ممارسة الرياضة، عشان السوايل اللي بيفقدوها في الرياضة،
وطبعاً ده غلط تماماً، هعرفك إيه الوقت الصحيح لممارسة التمارين الرياضية في يوم رمضان، وإيه أنواع بعض التمارين دي.

التمارين الرياضية خلال رمضان:
ممارسة الرياضة خلال شهر رمضان ليها أشكال وصور كتير ومختلفة وبتكون على حسب نمط الحياة السائد للشخص، ومن أكتر صور ممارسة الرياضة اللي ممكن تقابليها:

الذهاب لصالة الألعاب الرياضية لممارسة تمارين بناء العضلات.
ممارستك للمشي الصبح وانتي رايحة الشغل.
ممارسة التمارين الرياضية اللي بتخص حرق الدهون وفقد الوزن زي الزومبا والأيروبكس.
ممارسة التمارين المنزلية زي تمارين شد البطن، وتمارين الضغط، ونط الحبل.
تجنبي ممارسة الرياضة في وقت الظهيرة، ويكون قبل الفطار بحوالي أربع ساعات عشان تضمني تعويض لعرق بالسوايل في الفطار.
ولو عايزة تعملي رياضة بعد الفطار، لازم يكون عدى ساعتين على الأقل على تناولك لوجبة الفطار.
مارسي التمارين الرياضية اللي متعودة عليها، وتجنبي التمارين اللي أول مرة تجربيها في الصيام.

وكده أنا عرفتك حبيبتي إن الصيام تأثيره على كل شخص بيختلف عن الشخص التاني، ووضحتلك بعض الدراسات الي أُجريت في مجال زيادة الوزن خلال شهر رمضان، وبعدين اتنقلت معاكي على مفاتيح مهمة لرجيم رمضان في بعض النقط البسيطة.
ومريت بيكي على 3 أسرار خفية مش معروفة في رمضان عشان وزنك بيها يقل، ودخلنا في صُلب الموضوع وهو أفضل رجيم رمضان 30 كيلو في أسبوع وتكرريه طول رمضان، وفي النهاية تمارين رياضية مناسبة لفترة انقاص الوزن في رمضان .