أشهد اني في حياتي تهنيت
والله وهبني صاحبٍ ذوق واخلاق
محبتة في القلب ولها مثابيت
انا اشهد انه على كل الملا فاق
لك الفخر ياقلبي صراحه تنقيت
لك ذووق ياقلبي وتفهم بالاذوواق..
~*~*~*~*

الله خلقـني عـادي..ليـش كثـروا حســادي..لان الوفـا من طبعـي..والصـدق طبـع
افــوادي

~*~*~*~*
ياخوي .. زادت .. ضيقة القلب .. ضيقة ,,
ومن كثر .. صدمات الزمن .. صرت .. ضــــايق !!
صار الرفيق .. يخون عشرة .. رفــيقـة ,,
ماكنهم .. في يوم .. كانوا .. رفــــــــــــايق !!
بس أنت .. والله .. شوفتك .. لو دقيقة ,,
تسوى بنظر .. مغليك .. كل .. الدقــــــــــايق !!
~*~*~*~*

اذا دم البشر أحمر
فدمك عود مع عنبر
وكل منهو دنا منك
يشم الطيب ويتعطر..

~*~*~*~*
الطيب اصلك ما شريته بالاثمان
متسلسل من نبع ناسن عزيزين
الطيب ساسك وانت للطيب ديوان
قولن صحيح ولا يبيله براهين
لبست من طيبك على الراس تيجان
تاجن قوي ولا تهزه سلاطين

~*~*~*~*
شخص الا منه مضى لي معه
يوم
اندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه

~*~*~*~*
من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري ش سميك
كل الخصال النادره ينتمن لك
الطيب كنه شابك ايديه فيديك
ان كان له صاحب فهو صاحبلك
~*~*~*~*

لو ضاقت الدنيا على
راعي الطيب
يبقى شذى طيبه على
الناس طايب
للغيم في صدر الثرى
صوت ترحيب
والطيب هو فعلك
يا راعي النجايب
وفي كل يوم تشرق الشمس
وتغيب
وتبقى انت الحاضر
والكل غايب
~*~*~*~*

ماعاش "منهو" يعرفك ثم ينساك
بس الزمن زادت علينا حموله..
ياصاحبي جعل المخاليق تفداك
يفداك كل الكون عرضه وطوله
اضرب بي الهامه وانا كف يمناك
اطول منهو عجز غيري يطوله

~*~*~*~*
فديتك يا موصلني حدود الموت بيديني
يا أغلى من سكن قلبي وصار لحاله الغالي
كثر مالك غلا طاحت غلاة الناس من عيني
وصرت أشك في انك علي أغلى من حالي
أنا ما أقول لك شوقي في بعدك نار تكويني
ولكن بس أقول أنت الوحيد اللي يجي على بالي

~*~*~*~*
بعض المواقف تجي وتروح ماتبقى...
وبعض المواقف صداها بالعمر باقي.
..ياصاحبي لامعي تتعب ولاتشقى...
يتبدل الوقت واخلاقي هي اخلاقي..
.إن جيت"أرحب"واذاما جيتني"تبقى...
انت اكثر انسان عزيته من اعماقي
~*~*~*~*

سلام يا صقر تعلى المراقيب..
سلام يا عز الخوي يا كحيلان..
شبل بنا ساسه على العز والطيب..
يرقى على العليا كما فرخ شيهان..
عز الخوي لا جا لزوم ومواجيب..
لاهل الكرم شيخ وللطيب عنوان..
~*~*~*~*

ياصاحبي ماشفت مثلك بهالناس..
فيك الوفا والوقت شح الوفا فيه..

انت الذي اذا اظلم الليل نبراس..
ولاجارت كروب الدهر صحت اناديه..

وانت الذي بين الذهب خاتم ألماس..
غالي ثمن عندي ولااحد يوازيه..

~*~*~*~*
تموت المراجل عند غيرك
وتحيا فيك -----------
وتبقي الرجوله ميزتك
وانت راعيها----------

~*~*~*~*



تحياتي