كلنا ستات بيوت واحنا بنعرف دايما وخاصة بعد العزايم في اكل زياده وكله ممكن يتسخن وما يتغير طعمو الا الدجاج بالنسبه الي بيصير طعمو زنخ ل هيك انا بعملو شاورما

اول شي بنظف الجاج من الجلد والعظم
وبقطعه يعني بفرمه
بحمر بصله ومعها تومه هلا كم سن تومه على حسب كمية الجاج كل قطعه سن
ببرش بندوره يعني تقريبا حبتين وسط او معلقة رب البندوره مدوبه بفنجان مي
بجيب خبز شراك وبقمسه من النص
بدهن على كل نص اشوية مايونيز او اعملي الخلطه يلي هي عباره عن اشوية زبادي مع طحينه وليمون وملح طبعا الكميه على حسب الجاج
بالاخير بسخن القلايه الكبيره وبحط معلقه صغيره زيت ذره وبحمر ع الوجهين
ممكن اخليه كامله او اقسمها

صحتين وعافيه