صدري وطن


ما تطلبه من هاجسي جاك
الشـــعر وحــروفه صبـابــه

يا جعل شعر الشاعر فداك
لــو زاد بحـــروفه صــوابــه

دارت بي الدنــيـــا والافلاك
ومكــانك الغــالي سحــابه

يلــوح بــرقك وانتثــر مــــاك
شوق , ومشاريه , وغرابه

ما اسقت شفاه الشوق يمناك
ولا بـــلّل الجــرح ..الســرابــه

مــا اقــول بالـــحبّ اتحـــداك
اقـــول لــك قـــدر ومهـــابه

تشفـع لك احلامــك ولـــولاك
ما صــارت اشعاري تشـــابه

صدري وطـن ذكـــراه ذكــراك
ياخذ مــن ضلوعي شــــرابه

ياليت جـــور الوقت ينــساك
والجـــفوه , وليـــل الكـــآبه

أصـــدّ عن لقيـــاك والقــاك
أقـــرب من القلب لجــوابه

واعيـــد اراجـــع واتمنـــاك
والقاك مع لينــك صـــلابه

ياقربك لروحي وما اقساك ؟
ويــا بــعـــدك بوقت الرتــآبـه

ما الومك انت ولا سوايــاك
اللـــوم للـــوقت وعـــذاابه

يامـا خــــذا مني وخــــلاك
أبعد من كفوف السحـــابه

قلبي معك مثل أخضر الراك
أزكى مـــن ورووده جنـــاابه

الـــدار دارك وانت بحمــــااك
وان مرّ طيفـــك مرحبـــااابه

تبقى لك الذكـــرى وطريـاك
أعـــذب من حـــروف الكتابه

وقبل الـــوداع ..اقــــول يفداك
الشعـــر ,والحــــرف, وجوابه

منقول من عالم الرومانسية