أنا النهارده عملت مكرونه بالباشميل وفراخ بانيه ووووهم
وهقولكم الطريقه بالتفاصيل
وبرضه بالتصوير البطئ



يلا نبدأ

بسم الله




أولا -- المكرونه بالباشميل
==========================



المكونات
-----------


مكرونه
لتر لبن
دقيق حوالى 4 او 5 معالق كبيره
زبده او سمنه
توابل ( ملح -فلفل أسود أو أبيض )
مكعب مرقه دجاج
معلقه طحينه ( اختيارى )
2 بيضه




نص كيلو لحمه مفرومه
بصله كبيره مقطعه مكعبات
معلقتين كبيره صلصه
مكعب مرقه دجاج
التوابل ( ملح - فلفل - بهارات )





الطريقه
--------



الباشميل



نضع الزبده كده




ونضع الدقيق





ونقلب حتى يصفر لون الدقيق





ونضع اللبن




ونقلب كويس جدا وبسرعه بالمضرب اليدوى علشان الباشميل مش يكلكع

واول ما يبدأ الباشميل يتماسك حاجه بسيطه نضع معلقه الطحينه بتدى طعم جميييييل ( اختيارى )





وبعدين نضع التوابل الملح والفلفل ومكعب الماجى ونستمر فى التقليب





لحد الباشميل ما يتقل ونخلى بالنا أنه مش يتقل أوى علشان لما بيبرد بيتقل أكتر






ولما يبرد نضع 2 بيضه ونقلب بسرعه وكويس







اللحمه المفرومه




نضع السمنه او الزبده

وعليها البصل المقطع مكعبات






ونقلب الى ان يحمر البصل كده

ونضع عليه اللحمه المفرومه





ونقلب لحد ما يتغير لون اللحمه






نضع التوابل ملح وفلفل وبهارات ومرقه الدجاج ومعلقتين الصلصه




و نضيف ربع كوب مايه نسيب اللحمه تستوى حوالى 10 دقايق





المكرونه



نسلق المكرونه ونغسلها بمايه بارده وبس




صينية المكرونه بقى

نضع قليل من الباشميل زى الصوره كده





وعليها نص المكرونه المخلوطه بجزء من الباشميل





ونضع اللحمه المفرومه





ونضع الجزء الاخر من التانى من المكرونه وعليه باقى الباشميل
ودى شكلها قبل ما تدخل الفرن








ودى شكلها بعد الخروج بالسلامه
هههههههههههه







أستنواااااااااااا
لسه الفراخ البانيه

يــــــتـــــــــبـــــــــع

الفراخ البانيه
===============




المكونات
----------



هقول مكونات مش مقادير


فراخ بانيه
بصل مفروم
توابل ( ملح - فلفل - بهارات - قرفه بسيطه - بودرة توم -
معلقه كبيره مايونيز - معلقه كبيره مسطرده -معلقه كبيره خل
شويه من اللبن او الزبادى -
ولوعيزاها سبيسى ممكن نضع شويه من الشطه )





الطريقه
--------



نخلط كل التوابل والبصل المفروم على بعض كده


نتبل الفراخ كده زى الصوره ويستحب تركها مده طويله بالتلاجه




وعند التحمير

طبق دقيق
طبق بيض مخفوق عليه فلفل اسود
طبق بقسماط مخلوط بالفيجيتار




التلاجه الخطوات كالتالى



نضع الفراخ فى الدقيق




وبعدين نضعها فى البيض المخفوق بالفلفل الاسود





وبعدين نضعها فى البقسماط المخلوط بالفيجيتار ونضغط عليه كويس




لحد ما نخلص الكميه اللى عندنا


نحمرها ونضع على ورق مطبخ
علشان نصفى الزيت



وده شكلها النهائى




وده طبق بعد تقطيع المكرونه




بسسسسسسسسسسس
أنا كده خلصت


أيه رأيكوا بقى حاجه تجوع صح
ههههههههههه


وزى كل مره

هقووووووووووووول


أولا -- يا رب تكون الوصفه عجبتكوا
ثانيا -- يا رب أكون قدرت أفيد يا رب