بسم الله الرحمن الرحيم
السلام عليكم ورحمة الله

فى هذا الدرس نتعلم بعض الخطوط التى تساعد على ضبط الرسم والنسب ................
وكنت محضرلكم مجموعة صور من كتب كانت فى مكتبتى من 20 سنة ولكن لسبب ما
الأسكنر غلس معايا.

ينقس وجه الأنسان من الأمام الى ثلاثة أجزاء وثلث أفقيا................... يعنى كده




يعنى لو أنت رسمت دائرة ونصف قطرها بالطول والعرض فإنها سوف تقسم الشفاه من أسفل . وتنتهىمن أعلى بشعر الرأس . خلى بالك أن مركز الدائرة بين الحاجبين اعلى الأنف ...........
خلى بالك معايا... حسب مساحة نصف قطر الدائرة . قسم الرأسى الى الآتىولنفترض أنه 4سم
1- ثلث بأعلى لشعر الرأس يعنى 1سم
2- مساحة كاملة 3سم لمنطقة الجبهة ( الجبين) الى أعلى منتصف الحاجبين
يبقى كده عندك 1سم + 3سم = 4سم
من أسفل :
1- انزل 1سم لترسم العينين
2-أنزل 2سم لترسم الأنف يعنى المساحة من أعلى الأنف الى أسفلها قدر مساحة العين مرتين
3- انزل 1سم لترسم منتصف الشفايف
طيب هوا الراجل أو الست مالهمش ذقن . طبعا ليهم الجذء ال 2سم الباقين مدهم خارج الدائرة
بقول ايه دى حكاية تلخبط مش كده .................. بلاش يا عم ترسم الدائرة وتلخبط نفسك

طيب نشوف وجه الأنسان من الأمام تانى


ايه ده بقى ؟ وجه الأنسان بينقسم الى 5 أقسا م رأسية متساوية . وكل عين تحتل قسم منهم
والأنف يحتل القسم الأوسط يعنى رقم 3 . وخدت بالك من نصف قطر الدائرة الى رسمناها
فوق فى الصورة الأةلى . ماشى أعلى منتصف الحاجبين والعين فى منتصف الرأس تماما..

طيب ياعم نرجع تانى للتقسيم الأفقى للوجه . أحنا قلنا ثلاثة أجزاء وثلث جذء ....... أرسم
أرسم خط عامودى بأى مساحة نصفه بخط أفقى . يعنى عندك خطين متقاطعين لكن مد الرأسى الى أسفل ونقسم عليه من أسفل مساحة الى أعلى:
1-
أ _ مساحة من أسفل الذقن الى اسفل الأنف ...... ولنفترض 3سم أو 4 أ 12 سم ذى ماتحب
ب- مساحة من أسفل الأنف الى أعلى منتصف الحاجبين
ج- مساحة كاملة من منتصف الحاجبين الى منبت شعر الرأس

د - ثلث المساحة الباقى للشعر وممكن يختلف شوية حسب كثافة شعر الشخص أو تسريحة الشعر
1- طيب يا سيدى أحنا قلنا مساحة من أسفل الذقن الى أسفل الأنف نأخد منها الثلث
لرسم الشفايف الى اسفل الأنف يعنى المساحة المخصصة من أسفل الذقن الى أسفل الأنف قسمت الى الثلثين والثلث
2- المساحة المخصصة من أسفل الأنف الى منتصف الالحاجبين ناخد منها ثلثين
لرسم الأنف وثلث لرسم العين
3- مساحة كاملة لرسم الجبهة الى منبت الشعر
خلى بالك عندنا الآن ثلاث مساحات متساوية
4- ثلث المساحة المتبقى للشعر
هاكذا........


شفت السيدة الجميلة وكيف قسمنا وجهها من أسفل الى ثلثى جذء الى منتصف الشفايف
ثم ثلث مكمل لباقى مسحة الجذء الأول والتى رسمنا فيها من منتصف الشفايف الى اسفل
الأنف................... طيب شفت الجذء الثانى واذى ينقسم بدوره الى ثلثين من أسفل الأنف
الى منتصف العين ... ثم ثلث لرسم العين الة الحاجبين
طيب يا عم شفت الجذء الكامل الذى رسمنا فيه جبهة الوجه
وبعد كده ثلث الجذء للشعر....... طيب للعلم بقى الصورة دى بنسميها 3/4 عندما تنظر الى
اليمين أو اليسار. .................................................. .
وخلى بالك أن الوجه كلما إزداد إلتفاتا ناحية اليمين أو الشمال الخط الرأسى والأفقى
وباقية الخطوط يتخذون شكل قوس وليس خط مستقيم كما فى المنظر الأمامى
أنا عارف أنه درس غلس قوى لكن مهم جدا . وبعد كده حتلاقى أنك مش محتاج ترسم خطوط
والحكاية حتمشى معالك حلاوة . وأديك سوف تتعود وذاكرتك ستحفظ . وحاسة التقدير عندك
ستنشط . وبدون خطوط سترسم صح حين تكون يديك وعينك وإحساسك نالوا كفايتهم من التدريب

الصراحة أنا تعبت ........ درس متعب وخصوصا أنى تعلمته من حوالى 300سنة