-
ما شاء الله تبارك الله ( يا ربي لك الحمد كما ينبغي لجلال وجهك وعظيم سلطانك )
-
معهد توب ماكس تكنولوجي | أعلى قمة للتكنولوجيا الحديثة في الشرق الأوسط - صرح علمي متميز
-
طريقة تسجيل عضوية في معهد توب ماكس تكنولوجي بشكل سريع
مع ملاحظة أن التسجيل مجاني ومفتوح طيلة أيام الأسبوع
عند تسجيل العضوية تأكد من البريد الالكتروني أن يكون صحيحا لتفعيل عضويتك وأيضا أن تكتبه بحروف صغيره small و ليست كبيرة
تستطيع أيضا استخدام الروابط التالي : استرجاع كلمة المرور | طلب كود تفعيل العضوية | تفعيل العضوية
-
اشترك ألان في خدمة رسائل المعهد اليومية لتعرف كل جديد اضغط هنا للاشتراك
المواضيع المتشابهه
-
بواسطة eng.com في المنتدى الذكاء الصناعي Artificial Intelligence
مشاركات: 3
آخر مشاركة: 04-27-2014, 05:23 PM
-
بواسطة كاتب الأخبار في المنتدى المركز الاخباري
مشاركات: 0
آخر مشاركة: 07-28-2010, 03:10 AM
-
بواسطة سائر في ربى الزمن في المنتدى هندسة التحكم الآلي ( الميكاترونيك ) Mechatronics
مشاركات: 0
آخر مشاركة: 03-17-2010, 03:08 PM
-
عضو متميز
- معدل تقييم المستوى
- 100
شرح الإنجكشن و الرشاشات و الصبابات و نبذه عن الكامات و الكاربيراتير المحرك
كتب عمرو جامع .
كثيرا ما نسمع عند شراء سياره جديده من الوكيل أو المعرض انها 1600 سي سي
injection
و كامتين و 16 صباب و المنظره بتاعه المعارض دي....
طب يعني ايه الكلام ده كله و بيأثر في ايه؟
حبدأ بشرح الإنجيكشن:
ما هو الإنجكشن؟
الإنجيكشن هو تطور الكاربيراتير و هو أفضل من حيث الآداء و توفير البنزين, طريقة عمله سهله جدا, كلنا نعلم طبعا أن الموتور بيحرق خليط هوا و بنزين, فعند الضغط على دواسه البنزين تقوم وحدة التحكم في الموتور
(ECU)
او الكنترول بحساب كميه الهوا إلي دخل و من ثم حساب نسبه الهوا للبنزين
Air to fuel ratio
و على أساسها الكنترول يعطي أمر للرشاشات ترش نسبه معينه من البنزين على كل صباب, علشان لو النسبه مش مظبوطه العربيه حتسقف (كأنك مديها غيار بدري). إلي بيعرف الكنترول أد ايه نسبه هوا دخلت هو حساس الهوا
Mass Air Flow Sensor
إلي بيكون موجود قبل العمه بتاعه المانيفولد أو المانافول بلغه السوق. و
حساس الأكسجين إلي بيكون موجود بعد المانافول بتاع العادم بعد المشترك ده بيقيس نسبه الكربون في العادم و بيبعتها للكنترول علشان يظبط النسبه.
إحنا جبنا سيره الرشاشات, طيب ايه هي الرشاشات؟ الرشاشات دي ببساطه هي إلي بترش البنزين على صباب السحب إلي هو بيدخل خليط الهوا و البنزين للموتور.
كيف تعمل الرشاشات؟
الرشاشات فكره عملها سهله جدا بس الشرح هو إلي صعب بدون صوره فرسمتلكوا صوره توضيحيه ليها.
الرقم
المسمى الدال علية الرقم
1فتحة دخول الوقود
2الكهرومغناطيس
3فتحة حروج الوقود
4سوستة فتح وغلق البستم
5مصدر كهرباء
6البستم
أول ما الرشاش ياخد أمر من الكنترول انه يرش بنزين, مصدر الكهرباء يبعت كهرباء للكهرومغناطيس فيشد البستم للخلف, فبيسمح للبنزين بالمرور في فتره ما البستم مفتوح و بعد ما تكون كميه البنزين المطلوبه دخلت, بيقطع المصدر الكهربائي الكهرباء عن الكهرومغناطيس فبيخلي البستم يقفل تاني و بيعطل مرور اي كميه بنزين إضافية.
يقوم الرشاش برش البنزين على شكل ذرات و ذلك لجعل عملية حرق البنزين تتم بصوره أفضل و أسهل.
مميزاته: يمتاز الحقن الإلكتروني (الإنجكشن) بتوفير استهلاكه للبنزين حيث انه يقوم برش الكميه المطلوبه فقط من البنزين و بنسب معينه تم حسابها مسبقا بناء على بعض العوامل الرياضيه التي تحدد نسبه الهواء للبنزين في وحده تحكم المحرك
(ECU)
. و تمتاز أيضا محركات الحقن بصوتها الأهدى من مثيلاتها الكاربيراتير. الحقن أيضا اسرع إستجابه من الكاربيراتير, و لا يجعل السياره تشرق, لماذا؟ لأن كما قلت يقوم برش النسبه المطلوبه من البنزين و أيضا لأن الرشاشات لن تعمل و السياره مغلقة عكس الكاربيراتير فبمجرد الضغط على دواسه البنزين فهو يرش البنزين غير عابىء بالكمية قليله ام كثيره.
عيوبه: تكلفة إنتاجه تكون مرتفعه عن إنتاج الكاربيراتير, فبالتالي تصبح السياره أعلى من نظيراتها الكربيراتير, أيضا صيانته تحتاج دقه و مهارة عاليه لا تؤهل الميكانيكيين باللعب فيه, فالكشف على الرشاشات يكون عن طريق الكمبيوتر. و غالبا ما تنسد الرشاشات بسبب وجود الشوائب الكثيره في البنزين عامة و المصري خاصة لذا ينصح بتغير فلتر البنزين كل فترة, 5000 كم كحد أدنى و 10,000 كم كحد أقصى للحفاظ على الرشاشات نظيفة.
----------------------------------
الصبابات :
يعني ايه عربيه 8 صباب و 12 و 16و 24؟
علشان نعرف ايه هي الصبابات يبقى لازم نعرف بتعمل ايه.
وظيفة الصبابات؟
في اي موتور رباعي الأشواط بيكون فيه صبابين فوق كل سلندر بحد أدنى و حد أقصى 4 صبابات, يوجد صباب للعادم و صباب يدخل خليط الهواء و البنزين. أول صباب بيفتح هو صباب البنزين في شوط السحب. بيدخل الهوا و البنزين بداخد السلندر و بيقفل و بعدين في رابع شوط إلي هوا شوط الطرد بيفتح الصباب التاني بتاع العادم و بيكون الصباب بتاع البنزين مقفول.
ايه إلي بيحدد عدد الصبابات؟
حاجتين: أول حاجه عدد الكامات. لو كامه واحده حتشيل 8 صبابات و في المواتير الحديثه نسبيا و لحد دلوقت بتبقى 12 صباب.
لو كامتين بتبقى 16 صباب دائما و مفيش أقل من 16. 2 للبنزين و 2 للعادم.
لو الموتور 8 سلندر بيبقى 24 أو 32 صباب.
طب ليه كل ما عدد الصبابات زاد, زادت معاه قوه العربيه؟
لأن زياده عدد الصبابات معناه دخول كميه أكبر من البنزين بداخل السلندر و سرعه و سهوله في إخراج العادم من جوه السلندر.
طيب هل ده معناه انه دائما العربيات ال 16 صباب أسرع من ال 12 صباب؟
لا مش معناه كده لأنه يوجد محركات 16 صباب و تكون مصممه بحيث تكون محركات إقتصاديه وموفره للبنزين, و لجعل المحرك موفر للبنزين يقوموا بتصغير حجم الصبابات و الرشاشات ويقللوا قطر البستم. و لكن بصفه عامة تكون أسرع و هي الأفضل من حيث قوة التحمل في المشاوير الطويلة كالسفر.
هل نستطيع تغيير الصبابات بصبابات أكبر؟
مفيش حاجه مستحيله و ده بيكون تعديل في وش السلندر و بيكون مكلف و فعربيات تانيه بيكون مستحيل أو التكلفه بتاعته تكلف شراء الموتور الأعلى منه.
----------------------------------
الكامات :
الكامات هي إلي المسئوله عن فتح و غلق الصبابات في ميعادها.
الكاربيراتير له نفس وظيفة الإنجيكشن بإستثناء ان الكربيراتير لا يحتاج لكهرباء لعمله فهو يعتمد كل الإعتماد على تشغيله ميكانيكيا.
تحرير أحمد الحداد
حكم تبعث في نفسي الطاقة
« عندما نعطي، نحن نلهم الآخرين على العطاء، إما (عطاء) المال أو الوقت أو العلم » .
عطاؤك بعلمك صدقة جارية بعد موتك
"حديث شريف " إذا مات ابن آدم انقطع عمله إلا من ثلاث منها ( أو علم ينتفع به )
ان للحسنه نور في القلب وسعه في الرزق ومحبه في قلوب الناس
قل لمن يحمل هماً :: إن همك لن يدوم مثلما تُفنى السعادة هكذا تُفنى الهموم
من لا يأكل من فأسه .. لا يتكلم من رأسه
معا من أجل دعم وأثراء المحتوى العربي
الكلمات الدلالية لهذا الموضوع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
المفضلات