تحية طيبة عطرة لغاليات
إن شاء الله يكون الجميع بأحسن حال
.
الهدية
ما فية أحد ما يعشقها
(( تهادوا تحابوا ))
و يا سلاااااام لما أحد يهدينا هدية نحبها
أو نحتاجها
نفرح بها فرح
.
بس
لما نجي نهدي أحد نحتاااااااااااار !!!
و نفكر و نفكر و نفكر ... و نطفش من التفكير
و أحيانا نطفش من الهدية
و بالتالي نشتري الهدية من غير خلق
بس مجرد واجب و نفتك
علشان كذا
أحيانا تكلفنا الهدية مبالغ كبيرة غير منطقية
أو نهدي هدية مش مقتنعين فيها
.
في هذا الملف
راح نحل هالمشكلة بإذن الله
بس لاااااازم أذكركم
إنه الأفكار اللي بطرحها راح تكون أحلى لو كل وحده أضافة لمستها عليها
و راح تكون أحلى لما تحطين في بالك إن الهدية شيء رمزي
مفروض ما يكون عبء عليك
.
.
قبل ما نفكر بنوع الهدية لااااازم نحط في بالنا أمور ....
((1))
الميزانية
لما تمشين حسب ميزانيتك راح تطلعين بهدية متكاملة بإذن الله
و بعد الميزانية بتختلف بإختلاف الشخص اللي بنهدية
يعني الاقارب ممكن تكون هداياهم مكلفة أكثر من غيرهم
((2))
ميول الشخص اللي بنهدية
و هذه النقطة بتبعد عنك الحيرة
يعني هذه تحب الميك أب ... وذي تحب التحف ... و ذيك تحب أدوات المطبخ
و هكذا
((3))
تغليف الهدية
إذا كنت صاحبة إبداع غلفيها بنفسك
و بصراحة ورق ملون رايق مع شريطه مخمل
مع بطاقة مكتوب عليها كلام من القلب
أحلى مليوووون مرة من دفاشة محلات التغليف
اللي لما تطلعين من المحل تلقين على علبة الهدية ألف حكاية و حكاية
ريش ... كريستال ... خرز ... قطو ... خخخ و الله حالة
.
.
يالله
الآن ببنطلق مع بعض
في عااااالم الهدايا
شدوا الأحزمة
و على بركة الرحمن
.
.
.
.
// الذهب //
رفيق المرأة الأول
ممكن تهدين طقم من 5 قطع أو 4 قطع أو تعليقة أو خاتم أو إسوارة
.....إلخ
الخيار لك
و هذا النوع من الهدايا مكلف
:: طقم سجادة الصلاة مع الشرشف ::
.
.
.
.
هذا النوع من الهدايا رائع خصوصا للعرائس
يعني أطقم السجاد مع الشراشف و أحياانا مع المصحف و تكون في شنطة خاصة
طالعة بموديلات خيالية
لما تقدمين مجموعة 5 أطقم أو 4
و تحطينها بصندوق خاص يصلح كديكور
راح تنفعها أكيد
.
.
.
:: عطور مع مجموعة عناية بالجسم ::
.
.
و في هالحالة بليززززز
إختاري مجموعة العناية بالجسم من شركة ثقة علشان تستفيد منها صاحبة الهدية
و ممكن تحطين الهدية بسله خيزران مع قش
و تغلفينها بذوقك
.
.
.
:: فرش للمكياج مع شنط خاصة بحفظ المكياج ::
.
.
.
طبعا لو الفرش من شركة ماركه
ياااااااااااا سلام
راح تكون الهدية رائعه
و الأهم تنوعين بالفرش
هالهدية ممتازة لأي وحده تعشق المكياج
و راح تقدرك عليها كثير
و لو تضيفين لها منتج تنظيف الفرش ... راح تكون الهدية perfect
.
.
.
.
المفضلات