طبقات الكنافة بالكريمة
المقادير
1كوب ونص كنافة مفتتة ممكن تفتت فى الخلاط او الفودبرسر
6ملاعق سكر عادى ..5ملاعق زبدة ..1كوب لوز خزاينى او عين الجمل و ممكن بندق مهروش (انا نفضل اللوز الخزاينى وكل واحد حسب رغبته)
المحلبية
4 اكواب حليب ..4 ملاعق اكل دقيق..3ملاعق اكل نشاء..ظرف فانيلا..نص علبة قشطة
سكر حسب الرغبة
الطريقة ..حمرى الكنافة المفتتة فى الزبدة وحركيها من جميع الجهات حتى تتحمر طفى النار و على طول ضيفى السكر وحركى تما اللوز وخلى الخليط يبرد وجهزى الكريمة
خلطى كل المكونات على البارد الا الفانيلا تضاف اخر شى مع القشطة اطيبيها زى المحلبية عالنار هادية ولما تحسيها طابت وتقلت طفى النار وحطى الفانيلا والقشطة وحركى ..صبى طبقة كنافة فى كاسات التقديم تما طبقة محلبية او كريمة وتكون بردت شوية مش سخونة وبعدين طبقة كنافة تما كريمة وزينى بالكنافة وتقدم باااردة ..