بسبوسة بالبندق يمى يمى :
*********************
اتنين كوب سميد كبار الكوب اللى عندى اكبر من 250 ملى بشوية بحوالى ربع كوب كمان كدة وحطيت عليهم ملعقتين كبار جوز الهند وملعقة صغيرة بيكنج بودر وتلت كوب سكر وقلبتهم كويس سيحت اربع ملاعق زبد او خليط بين الزبد والسمن البلدى بتكون احلى طبعا وقلبتهم بمعلقة براحة وحطيت ربع كوب ماء وكب زبادى كبير المراعى مش الصغير وقلبتهم ببعضها بردو براحة اوى ودة مهم مش نعجنها كتيير ولا نضغط عليها كتير عشان ماتطلعش ناشفة ودة سر طراوة البسبوسة وبعدين فردتها بصينية وزينتها بالبندق وممكن سودانى او لوز او جوز الهند وممكن سادة كما تشائى او ل ماتخرج اسقيها الشربات سخن وهيا سخنة وبسقيها بملعقة كدة مش بحطة مرة واحدة ودى بيخليها اطعم
الشربات بقه :
اتنين كوب ماء وزيهم سكر واول مايغلى احط الليمون