طبعا زى ما انتم عارفين ان الصيف السنة دى حر اوى وهنحتاج ناكل ونشرب حاجات ساقعة كتير فعلشان كده جبتلكم النهاردة تورتة الايس كريم من اول ما عملت الايس كريم لحد التزيين وان شاء الله لسه الصيف قدامنا طويل وهنزل باذن الله احلى العصائر واحلى التورت لاحلى صيف

المقادير :
  • 4 كوب لبن كامل الدسم
  • 1كوب سكر سنترفيش
  • 4 صفار بيضة
  • 1 كوب كريم شانتيه
  • 3 ملاعق كاكاو
  • 2 ملعقة صغيرة لون أحمر طبيعى
  • 2 ملعقة لون برتقالى طبيعى
  • باكو بسكوت مارى كبير
  • 1 ملعقة صغيرة فانيليا
  • 4 بسكوت جلاكسى فلوت

الطريقة:
نصب اللبن فى وعاء ومعه السكر السنترفيش مع صفار الأربع بيضة ونخلطهم بالخلاط ثم نضعهم على نار هادئة ونضع عليه الفانيليا ونقلب جيدا حتى يغلظ القوام ولا نجعلعه يغلى (نعرفه نجد قعر الملعقة أبيض ) ننزله من على النار ونتركه يبرد نحضر كوب الكريم شانتيه ونصبه على الخليط السابق ونقلب جيدا بالخلاط ثم نحضر ثلاثة أوعية أخرى فيصبحوا أربعة أوعية ونقسم الخليط بالتساوى وعاء نضع فيه الكاكاو ونقلب جيدا ووعاء نضع فيه اللون الأحمر وأخر اللون البرتقالى والرابع نتركه بالفانيا فقط ثم ندخله الفريزر ونتركه حتى يجمد ثم بعد ساعتين نخرجه من الفريزر ونقلب حتى لايربى ثلج ويصبح ناعما ثم نحضر وعاء ونضع فيه كيس بلاستيك وعلى أطرافه نرص البسكوت بطريقة متساوية ونصب فى ربع الوعاء الخليط الذى بالكاكاو ثم الربع الأخر الذى باللون الأحمر ثم فى بقية الربعين نصب الخليط الذى بالفانيلا والذى باللون الأحمر وندخله الفريزر حتى يجمد ونخرجه ونقلبه على صينية أو وعاء التقديم ونزينه بالبسكوت الفلوت ويقدم كما هو موضح








وبالف هنا وشفا ويارب يعجبكم وأذا عجبتكم تقييموا الموضوع لأنى أريد تقييم بجد بعد تجربتكم لهذا الصنف