طريقة عمل القوالب والاشكالصور لمحبى الشف حسن
بسم الله الرحمن الرحيم
طريقة عمل القوالب والاشكال
مجموعه من الاشكال البلاستيكية على اى شكل نسيح الشيكولاتة الخام الميلك على حمام مائى ونسيح الشيكولاتة البيضاء على حمام مائى وممكن نلون الشيكولاتة السايحه البيضاء باى لون انتى عيزاه
تضعى الفرشاه فى الشيكولاتة وتمسحى بيه داخل الاشكال وتدخليها التلاجة تمسك وبعدين تطلعيها وتدهنيها كمان مرة وهكذا حوالى 3 مرات وندخلها التلاجة لحد ماتجمد
ايج كيك
3 ديسك اسبونج فانيليا – 100 ج سيرب – 200 ج كريم باتسير – 100 ج اناناس – 200 ج فريش كريم
300 ج عجينة الفندان
الطريقة
نضرب الفريش كريم لوحدها ونضرب الباسترى كريم لوحدها
نذوب الجيلاتين فى شوية ماء دافيين
ننزل بالجيلاتين المزابة على الباسترى كريم ونخلطهم بالمضرب السلك ثم نضع عليهم الفريش كريم المضروبة ونخلطهم بالمضرب السلك كويس
نضع فى القالب اللى على شكل بيضة راقة من الاسبونج بحيث ميكنش فيه اى فراغات ثم ندهنها بالفرشاه بالسيرب ثم نضع طبقة من خليط الكريمة ثم نضع كمية كويسة من الاناناس ثم نكرر العملية 3 طبقات وفى اخر طبقة نضع الاسبونج ونضغط بايدنا كويس وندخلها الفريزر لمدة نص ساعه وبعد ماتطلع اغطيها بطبقة الفندان الملون واقطع الاطراف الزيادة ثم انظفها من الدقيق بالفرشاه وابل الفرشاة خفيف بالماء والمع الفندان ثم اعمل بقطعه من الفندان المتبقى حبل طويل والفه على طرف البيضة
طريقة الفندان تقسميه على 3 او 4 اجزاء وتضعى على كل جزء نقطه من الالوان وبعدين تحطيهم جنب بعض جامد وترشى دقيق وتفرديهم بالنشابة علشان الالوان تتداخل مع بعض
والهناوشفا
رد: طريقة عمل القوالب والاشكالصور لمحبى الشف حسن
الدقيق السليم تعرفوه عندما تعجنوا العجين تجدوه لم يلتصق بأيديكم مهما تعجنوا تجدوا العجينة لم تلتصق نروح بقي للمقادير بتعتنا:
كيلو دقيق مخبوزات
50 جم دقيق سمولينا عشان يعمل جرشه للكعك بمثابة ربع كوبايه
5 جم ملح ، 5جم ريحة كعك ، 10 جم سكر، باكو بيكنج بودر
نصف كيلو سمن باردة بدرجة حرارة المطبخ
كوباية لبن كبيرة
الطريقه ياتري ازاي:
نجيب الدقيق ونضعه في العجان ونضع عليه ربع كوب دقيق السمولينا والملح والسكر وريحة الكعك والبيكنج بودر ونخلطهم في العجان لمدة 10 دقائق ثم نضع السمن البارده خلوا باااااااااااااااااالكم ونشغل العجان ثم نضع اللبن واحده واحده ونشغل العجان حتي نلاحظ ان العجينة بدأت تتقل ثم نعلي سرعة المضرب حتي يصبح لون العجينة فاتح واصبحت متجانسة مع بعضها ثم نلمها ونريحها لمدة 20 دقيقة ونغطيها ثم نكورها كور صغيرة بمثابة 10 سم عشان تعرف تدخل الفم بسهولة وبعد ما نكورها نضغط عليها ضغطة بسيطة ونأخد حوالي 2 جم حشو ونضعه داخل الكعكة ونضغط عليها ونضعها في صينية ثم نشكلها بالبصمة وهي عبارة عن شكل وردة بتتباع عند اي واحد خاص بادوات الحلويات بس ده بدون استخدام المناقيش ثم نضعها ترتاح لمدة 20 دقيقة ثم ندخله الفرن لدرجة حرارة 180 درجة لمدة 12 دقيقة ثم نرشه بالسكر البودر بعد ما يخرج وبالهنا والشفا
ويا ريت اكون افادتكم
رد: طريقة عمل القوالب والاشكالصور لمحبى الشف حسن
السلام عليكم أذيكم يا فتوكات دي أول موضوع لي اشارك بيه معكم فى المنتدى الجميل ده وعشان ما اطولش عليكم جبتلكم معى
طريقة عمل الغريبه للشيف حسن
المقادير: 250 جم سكر بودره +500جم سمن بدرجة حرارة التلاجه +750جم دقيق +2 ابيض بيض
او بطريقة اخرى بالاكواب
1كوب سكر بودره +2كوب سمن بدرجة حرارة التلاجة +3كوب دقيق +2 ابيض بيض +نصف ماعقه صغيره فانليا + فستق للتزيين
الطريقه : نضع السمن والسكر مع بعض فى الميكسر ليخلطو مع بعض ولابد من ان يخلطو كويس الى ان تصبح هشه مثل الكريمه (ولو ماعنديش الماكينة بايدى واستخدم ملعقه بلاستيك او خشب الى ان تصبح كريمى ايضا بس ربنا معكم)الى ان يتضاعف الحجم ثم اضع الدقيق واشغل الماكينه الى ان تلم العجينه (إذا لمت لوحدها بدون اضافة ابيض بيض كويس ولا داعى للاضافة ابيض البيض) اما إذا لم تلم اضع ابيض بيض وعليه الفانليا واعجن الى ان تلم ثم اضعها فى الثلاجة لمدة نصف ساعه وقبل التشكيل لابد ان اخدمها كويس بالايدى ثم ابدأ فى التشكيل
ممكن ان اعملها على شكل هلال واضع الفستق عاى الطرفين او ممكن ان اعملها على الشكل العادى المكور ثم ارصها فى الصوانى وتدخل الفرن على درجة حراره 150 يعنى على نار هادئه جدا مدة 10 او15 دقيقه