البتي فووور تعالوا جربوا بتي فور

[شهود]

السلام عليكم ورحمة الله وبركاتـــــــــــــــــــــــــــــه






جبتلكم النهاردة طريقة عمل البتي فور الجميل اللي كلنا بنحبه واللي أنا شخصياً بموووووووووت فيه رغم انه بيزودلي التخمة


ماعلينا


علشان مااطولش عليكم


تعالوا ياللا نشوف الطريقة


سهلة خالص خالص






المقادير:

800 جم دقيق
500 جم زبدة بدرجة حرارة التلاجة
175 جم سكر بودرة
4 أبيض بيض
كيس فانيليا
ذرة ملح

( شوفتي المقادير سهلة ازاي )

نيجي بقا للطريقة:

بصي ياستي لو عندك عجان تحطي فيه الزبدة الصفرا زي ماقلتلك بدرجة حرارة التلاجة وتنزلي معاها السكر البودرة وتضربيهم مع بعض على السرعة الهادية بعد كده بتزودي السرعة بالتدريج لحد ماتكون معاكي كريمة بيضاء زي دي









هدي السرعة تاني وانزلي بسرسوب رفيع جدا من بياض البيض وبعد كده حطي الفانيليا وذرة الملح واضربيهم كويس أوي، بعد كده لما كل المكونات دي تتخلط كويس نزلي الدقيق بالتدريج والعجان شغال على السرعة المتوسطة وكل شوية تنزلي الجوانب بملعقة خسبية وترجعي تشغلي العجان تاني لحد ماكل المكونات تدوب مع بعضها والعجينة تكون متماسكة وناعمة، كوري العجينة بايدك وسيبيها ترتاح لمده 10 دقائق











بعد كده هاتي المكنة أو قطاعة البتي فور بتاعتك واعملي الأشكال اللي بتحبيها.


( ممكن تفسمي العجينة نصفين وتحطي على نصفها كاكاو وتعملي نصف بالشيكولاتة ونصف أبيض)











سخني الفرن على درجة حرارة 180درجة وسيبيه في الفرن لمدة 20 دقيقة بعد كده طلعيه من الفرن وسيبيه يهدى ممكن تلزقي كل اتنين مع بعض بالمربى وتدهني طرف كل اتنين بالمربى وتحطيهم في المكسرات المفرومة أو الشيكولاتة المبشورة أو الفارماسيل

[زروقة]

الى الاخت الحبيبه تسلم ايدك طريقه روووووووووعه وجميله الف شكر