الدوالي بالصور :: ورق عنب

**شهود** · 05-16-2010, 06:47 PM

اليوم جبتلكم الدوالي بس عطريقتي بتمنى تنال اعجابكم وبتمنى تتقبلوها لأنو متعلميتها من جديد

الدوالي هي ورق العنب المحشي أنا عملتها بالتفصيل لأنو في بلدان ما بتعرفها

عندنا احنا بالمغرب ما بنعرف انو ورق العنب بينحشي احنا بنرميه

أول الأيام الي اجيت فيها عالأردن كنت ما بعرف اشي بالطبخ

المهم وأنا مستنية الغدا بشوف اشي غريب بسألهم شو هاض قالولي ورق عنب

كنت مستحية بس بيني وبين نفسي قلت يا حبيبي احنا بنرميها وهما بدهم يأكلوني ياها

بس مع المدة صرت امووووت فيها طولت عليكم صح

نرجع لموضوعنا

صراحة المفروض تكون بلحمة مفرومة ناعم بس أنا ما بحب اللحمة فبعمل معاها الخضر

انتي اختاري الي بدك ياه يا خضر يا لحمة مفرومة

نص كيلو ورق عنب +3 كاسات رز مصري منقوع في ماء دافيء

3 حبات بندورة مفرومة ناعم+بصلة صغيرة مفرومة ناعم+8 فص ثوم مبشور+بقدونس مفروم ناعم+نعناع مفروم ناعم +4 حبات جزر مقشرومبشور

نخلط الكل مليح ونحط البهارات نص كأس زيت +الملح أنا بحط كل البهارات الي عندي بودرة الا الكركم ((بهارالدجاج و الكبسة والكاري و المنسفوفلفل اسود ... ولا بسيب بهار ما بحطو الا الكركم))المقادير انتي تتحكمي بيها حسب على شو متعودة

أو اشي ننظف ورق العنب من العود الي بيكون فيه

تحطيها في طنجرةعلى الغاز فيها ماء سخن وتخليها لمدة دقيقتين او 3 دقائق بالكتيربس يتغير لونها

خلي بالك لتهريها وتتمزع في ايدك ونتي بتلفيها هههههههههههههههه

تخليها تبرد وتبلشي تلفي

لازم تكون الجهة الخشنة الي مبين فيها العروق من عندك

وتحطي وسطها شوي من الحشوة

وتلفيها بالشكل هاض

انا بحط في قاع الطنجرة بندورة وبصل وبطاطس دوائر مشان لو لزقت لي تلزق الخضر مو الدوالي ولو ضلت تتاكل

وبعدين نستف الدوالي من فوق

بنصفي الماء اللي ضل بالحشوة وتحطيه عالدوالي

ونحط نص كاس زيت وملح وكمون بودرة وشوية ماء مع معجون الطماطم ورأسملعقة صغيرة سكر

ونحط الماء مقدار الي يستوي بيه الدوالي

ونحط من فوق صحن مشان يثقل عليه وما تنفتح الدوالي

ونحطها عالغاز عالي لغايت متبدأ تغلي ونوطي على أوطى درجة ونغطيها ونخليها تستوي

وهاض هو شكلها الأخير

لو بدك الدوالي باللحمة

بتخلطي اللحة المفرومة ((مو كفتة بتكون سادة ما فيها لا بصل ولا بقدونس ولا اشي)) مع الرز المنقوع في ماء دافيء لمدة نصف ساعة ومغسول والبهارات وتتبعي نفس الطريقة