مرق سمج شعوم... - مطبخ المعهد شيف المطبخ
أهلا وسهلا بك إلى معهد توب ماكس تكنولوجي.
  1. ما شاء الله تبارك الله ( يا ربي لك الحمد كما ينبغي لجلال وجهك وعظيم سلطانك )
  2. معهد توب ماكس تكنولوجي | أعلى قمة للتكنولوجيا الحديثة في الشرق الأوسط - صرح علمي متميز
  3. طريقة تسجيل عضوية في معهد توب ماكس تكنولوجي بشكل سريع
    مع ملاحظة أن التسجيل مجاني ومفتوح طيلة أيام الأسبوع عند تسجيل العضوية تأكد من البريد الالكتروني أن يكون صحيحا لتفعيل عضويتك وأيضا أن تكتبه بحروف صغيره small و ليست كبيرة تستطيع أيضا استخدام الروابط التالي : استرجاع كلمة المرور | طلب كود تفعيل العضوية | تفعيل العضوية
  4. اشترك ألان في خدمة رسائل المعهد اليومية لتعرف كل جديد اضغط هنا للاشتراك
التفاصيل : الردود : 7 المرفقات : 0 المشاهدات: 10160 مشاهدة
مشاهدة صفحة طباعة الموضوع
أرسل هذا الموضوع إلى صديق…

المواضيع المتشابهه

  1. رزوجتي زعول. - د.هيا عبد العزيز المنيع
    بواسطة كاتب الأخبار في المنتدى مقالات وأخبار الحوادث
    مشاركات: 0
    آخر مشاركة: 02-17-2010, 03:00 AM

النتائج 1 إلى 8 من 8

الموضوع: مرق سمج شعوم...

  1. #1
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي مرق سمج شعوم...

    مرق سمج شعوم...




    الصوره ما تشوق وايد بس ترا هالمرقه لذيييييييذه... انا استخدمت سمجه شعوم وراس السبيطيه بالمرق..احط الخضرة بالمرق على 3 خطوات عشان اللون وعشان النكهه... احب المرقه تكون خاثره وهالشي حسب الذوق... اضافه دبس التمر كلش مو ضروريه وماكنت استخدمها بس لاني كنت بعادل الحموضه ضفتها.. بالعاده استخدم شوي حلبه خضرا بالحماس بس لان اختي حامل كنسلتها ... في ناس تقليالسمج قبل لا تحطه بالمرق بس انا عندي هالطريقه اخف... جربوها وصدقوني بتعجبكم...

    المقادير:

    شبنت مفروم

    كزبرة مفرومه

    خضره سمج مجففه ( شارينها من ايران بس اتوقع انها نفس اللي يبيعونها بسوق المباركيه)

    بصله مفرومه

    طماط مهروس بالخلاط

    فلفل علوب

    معجون طماط

    لومي ناعم وعدل

    كزبر ناعم

    كاري

    بهار

    بزار بحريني

    فلفل احمر حار حسب الرغبه

    ملح وماي حار

    صبار

    نص الى قفشه صغيره دبس تمر

    زيت

    الطريقة:

    نغسل السمج عدل وننقعه بملح خشن وليمون عن الزفر وبعدين نغسله بطحين وماي... نتبله بثوم وزنجبيل ونتركه

    نحمس البصل لين يفتح لونه ويصير شبه شفاف وبعدين نضيف اغلب كميه الكزبره والشبنت ونحمسها على نار خفيفه لين يقلب لونها زيتي وتحسون انها جفت تقريبا وهالعمليه تاخذ وقت بس بتطلع طعم المرق وايد احلى

    نضيف بعدين اللومي الناعم و الكزبره الناعمه والبهار والكاري والملح والطماط المهروس وتقلبها شوي واخرشي نضيف المعجون قبل لا نضيف الماي والفلفل العلوب والفلفل البودر

    ننطره لين يغلي ونضيف الصبار واللوميه والدبس ونقط نص كميه الخضره المتبقيه وبعدين نضيف السمج ونتركه يغلي ونخفف النار عشان لا تتفتت السمجه

    بعد السوا نسكر النارو نضيف باجي الخضره ويقدم بالعافيه..

  2. #2
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي رد: مرق سمج شعوم...

    وصفاتي اليايه بالطريج...





    ريش مشويه مع خضار سوتيه...



    سمج هامور بصلصه الزعفران...







    لزانيا ربيان...


  3. #3
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي رد: مرق سمج شعوم...

    الخبيص او البثيث...(( تحديث))



    الاخت Corpse Bride طلبت مني وصفه البثيث.. وانا اعتقد ان هذي اللي تقصدها... طبعا الناس الخبره يسوونها مفلفله اكثر
    عاده هالاكله يعطونها بالنفاس يضيفون لها رشاد وفوفله وادويه الظهر (( تلقونهم بالحواي ))...

    للاسف الوصفه من غير مقادير ثابته... اخذتها من يدتي الله يطول بعمرها جذي (( وصفتها تصلح للنفسا اكثر لانها حاره ومتروسه ادويات)).. عاد يبيلكم تقدرون على كيفكم كل اللي ادري عنه انه تستخدم طاقتين (( 2 كيلو تمر ))وعليهم 6 جيلات طحين محموس معاه... مرت عمي تسويها طحين وتمر وزيت وتضيف بس بهيل وشكر وزعفران...خالتي (( خاله ابوي)) تضيف لها شكر وزيت مازولا بدال زيت الزيتون ولونها يكون وايد افتح وتضيف لها بس دارسين وهيل
    عندي وصفه ثانيه بكتاب فاطمه حسين وبكتاب المطاحن وبكتاب منال العالم اعتقد... اذا تحبون ممكن اضيفهم ..


    المقادير:
    تمر اخلاص منزوع النوى
    حلبه
    دارسين
    فلفل اسود
    هيل نتفه
    حسو (( اخذوه من سمراء عدن او من اي حواي لان ماعندي وصفه له ))
    طحين اسمر
    زيت زيتون
    رشاد وفوفله و ادويه حق للنفاس طبعا هذيل حسب الرغبه

    الطريقه :

    نحمس الطحسن لين يصير لونه احمر غامج

    نحمس الرشاد

    ننقع الحلبه يوم كامل وبعدين نخلطها مع التمر على النار مع شوي ماي لين ينهرس التمر عدل وتذوب الحلبه بس من غير ما يغلي الماي ... او تقدرون تضيفون ماي ساخن وتخلونه ينقع فتره مع قفشه ضغيره بكربونات

    نقط عليها الطحين شوي شوي ونحرك ونضيف الزيت معاه بالتناوب او مره وحده .. ونزيد الرشاد والدارسين والحسو والفلفل الاسود وباجي الادويه... يدتي ما تحط شكر بس اذا تحبون ضيفوه
    ***********

    الوصفه الثانيه...
    المقادير:
    2 كوب طحين اسمر
    1 كوب تمر اخلاص
    1 2/1 الى 2 كوب ماي
    نص كوب سكر او اكثر حسب درجه الحلاوه اللي تحبونها
    ربع قفشه صغيره زعفران منقع بماي ورد
    نص قفشه صغيره هيل
    ممكن تحطون زنجبيل او دارسين او فلفل اسود حسب الرغبه ( نص قفشه صغيره)
    نص كوب زيت


    نذوب ماي وشكر على النار واذا ذاب كله وصار ساخن نحطه على التمر منزوع النوى وتحركونه عدل لين يذوب التمر
    نحمس الطحين شوي ليما يتحمر ونحطه مع التمر فوق النار ونضيف هيل وفلفل اسود او دارسين حسب الرغبه مع زعفران منقع بماي ورد وزيت يضاف اخر شي وبالعافيه
    مع ملاحظه ان مقدار الطحين لازم يكون ضعف التمر..
    وتقدرون تحمسون الطحين وتضيفون فوقه التمر وتحمسونه وبعدين تضيفون الماي والشكر والزيت والبهارات

  4. #4
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي رد: مرق سمج شعوم...

    ورق عنب 3 ...



    هالوصفه اخذتها من العضوه makeup_artest من فتره طويله كانت منزلتها بعالم حواء والحين منزلتها بموقعها الخاص شامواه هالوصفه لذيييذه لذييييذه وتهبل... ماحد ذاقها عندي الا وطلب الطريقه..

    الموضوع الاصلي بمنتداها
    ورق عنب بالزيت يتحدى المطاعم الشاميه.. بالخلطه السريه والخطوات المصوره

    هالوصفه تاخذ مني غرشتين ورق عنب من نفس الماركه المذكوره.. وازيد على الخلطه قفشتين دبس رمان عشان النكهه

    المقادير:




    كاستين أرز أسترالي ( صنوايت ) .

    حبتين كبار طماطم بندوره

    حبتين
    كبار بصل .

    حزمة بقدونس . تقدرين تقولين مقدار اربع قبضات .

    ربع
    حزمة نعناع . قبضه وحده .

    شوية شبنت( اختياري ) . مايقارب ربع الحزمه
    .

    كأس عصير ليمون .

    كأس زيت زيتون عصره أولى .

    من أربع الى
    خمس فصوص ثوم أو حسب الرغبه .

    ملعقة طعام صلصة طماطم .

    مكعب ماجي (
    مرقة دجاج)

    ورق نعناع مجفف او مفروم طازج تقريبا ملعقه طعام .

    ملعقة صغيره بهار حلو .

    ملعقة صغيره فلفل أبيض .

    ملعقه
    صغيره قرفه .
    ملح .
    ماء للسلق .
    طماطم وبطاطس .


    الطريقه:
    ننقع العيش في البدايه
    تفرم الخضار ويضاف لها البهارات ونص كوب زيت ونص كوب عصير ليمون ودبس الرمان
    نلف ورق العنب بالحشوه ونصفها بجدر مصفوفه فيه حلقات طماط وبطاط
    نصب فوقه ماي المتبقى من الحشوه
    ندق الثوم مع النعناع ونخلطهم مع الماجي والمعجون وماي وملح ونصبه فوق ورق العنب مع باجي كميه الليمون والزيتون
    شخصيا بالنسبه لي ما يحتاج احط ماي زياده بس اذا حسيتو انه محتاج ضيفون
    يطبخ على نار هاديه من ساعه لي ساعه ونص...
    وبالعافيه

    مرسلة بواسطة bent el deera في 01:56 م 8 التعليقات
    التسميات: سلطات ومقبلات

    ساندويش الحلوم والخضار المشويه...



    هالوصفه سهله ... وتغير عن الحلوم العادي... تقدرون تشوون الحلوم بعد بس انا احبه ذايب فعشان جذي انقعه بالماي الساخن

    المقادير:
    حلوم شرايح انا استخدمت ماركه شتوره مقصصه وخالصه
    فلفل اخضر
    كوسا
    وبصل شرايح
    وممكن تستخدمون مشروم بس انا ما حطيته
    زيت زيتون شوي
    ملح
    بهارات ماجيك اللي بالعلبه الخضرا
    اوريغانو
    نعناع
    صمون

    الطريقه:
    نخلط الزيت مع البهارات مع الخضار والاوريغانو ونشويهم
    ننقع الحلوم بالماي الساخن ليما يتمغط ونحشيه بالصمونه ونحط فوقهم الخضار واخر شي النعناع
    وبالعافيه


    مرسلة بواسطة bent el deera في 01:46 م 0 التعليقات
    التسميات: ساندويشات ومعجنات, وصفات رجيميه


    سمج هامور بصلصه الزعفران...




    هالوصفه اخذتها من عبير الراشد... وايد حلو طعمها وخنينه... بالوصفه الاساسيه تستخدم الهامور بس انا كنت اسويها بسمج كريم دوري المثلج ولا يطلع نوع من انواع ال cat-fish ... عاد سويتها بالهامور وطلعت احلى بس لا تستخدمون القطعه اللي صوب الذيل لانها عرده شوي
    انا ماذكر الوصفه بالضبط ولا المقادير.. بس انا اخلط كلشي مع بعض ... ممكن بعضهم ما يفضل اضافه الروب بالصلصله .. انا جربتها معاه ومن غيره وما حسيت بفرق يعني تقدرون تستغنون عنه :>



    المقادير :
    سمج هامور مقصص حسب الرغبه
    كزبره
    بصل
    ثوم
    زنجبيل
    زيت
    زعفران
    كركم
    بابريكا
    فلفل اسود
    كاري
    طماطه مفرومه
    ومعجون طماط
    زعفران ( نص قفشه صغيره او اكثر لانه اساسي بالوصفه)
    3-4 قفاش روب
    ملح

    الطريقه
    خذيت السمج و بهرته بكركم وشوية ملح وفلفل اسود وبابريكا
    بعدين قليته بدهن طبعا ما ياخذ وقت كلش يمكن 5 دقايق وبنفس زيت القلي اخفف كميته و احمس بصل وثوم وزنجبيل
    واحط بهار كاري و كركم وهيل وفلفل اسود وبابريكا بعدين حطو 3 قفاش معجون طماط وطماطة مفرومة وعقب حطو 4-5 قفاش روب وقعدو حمسو اخر شي حطو كزبرة مفرومة وزعفران
    بعدين نحط السمج ونخليه على نار هادية بس لا تحركونه علشان لا يتفتفت السمج


    وقدموه بالعافيه

    مرسلة بواسطة bent el deera في 01:27 م 0 التعليقات
    التسميات: اسماك وماكولات بحريه, اطباق رئيسية


    ريش مشويه مع خضار سوتيه...




    هالوصفه سويتها مره على الغدا وكانت لذيييييييييذه وايد... وما فيها دهن وشكلها يشوق بس اهم شي يكون هالبهار موجود لانه اساس الوصفه بهار المشويات ماركه اسناد... وتحصلونه باغلب الجمعيات انا اشتريه اما من القادسيه او الدسمه عجيييب




    المقادير:
    كيلو نص ريش .. انا استخدمت العربي
    علبتين روب
    قفشه صغيره متروسه ثوم مهروس
    3\2 كوب خل ابيض
    رشه واريغانو
    3 قفاش زيت زيتون
    6 قفاش كبيره من البهار

    الطريقه:

    بعد ما نغسل الريش نضربها بمطرقه المطبخ عشان تفجج اليافها وتستوي بسرعه
    نخلط باجي المكونات مع بعض ونتبل فيها الريش ونتركها بالثلاجه على الاقل ساعه ونص... وكل ما زادت المده يكون احسن





    بعد مرور الوقت نحمي الفرن وندخلها الفرن تقريبا 45- 60 دقيقه مع قلبها بنص الوقت


    ونقدم معاها خضار سوتيه

    بالسبراي نرش المقلاه ونحط مشروم وشوي ماي عشان يذبل وبعدين نحط الفلفل الملون ونرش ملح وفلفل اسود واعشاب اللي تحبونها وانا احط بهار ماجيك الاخضر وايد حلو معاهم
    وعيش مكسيكي انا استخدمت خلطه الكنور الجاهزه

    وبالعافيه

  5. #5
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي رد: مرق سمج شعوم...

    ( chiken wings ) المشويه مع البطاط...



    انا ما آكل دياي بس خواتي وايد حبوه... انا ذقت البطاط بس وصج يهبل وترف ولذيذ وما صدقت هالطريقة البسيطه جذي نتايجها
    عموما الوصفه وايد سهله وانا ماحب الوصفات المعقده


    بسم الله نبتدي
    المقادير:
    علبتين جوانح فرش ( لان حجمها يكون اقل من المجمد )
    تقريبا 3 بطاطات وسط مقشرم ومقطعه دوائر
    نص جيس او اقل من بهارات البطاط بالروزماري ( تلقونهم بكارفور او مركز سلطان او بلولو ماركت.. او تقدرون تسونها بنفسكم : ثوم بودر وملح و شوي فلفل اسود و روزماري مجفف )
    تقريبا قفشه او قفشه ونص زيت زيتون
    وشوي ماي
    طبعا البهارات حسب الرغبه بس انا حطيت نص فقشه صغيره من :
    * ثوم مهروس
    * كمون
    * كزبره
    * فلفل اسود
    * هيل ناعم

    ورشه تقريبا من :
    * زنجبيل بودر
    * مسمار بودر
    * ودارسين حطيت رشتين

    مع ملح
    وكتشب قفشتين كبار
    وخل بحدود قفشه او قفشه ونص كبيره
    وزيت زيتون تقريبا قفشه

    الطريقة

    اول شي الجوانح... طبعا غسليها عدل بماي وطحين و خلطي كل البهارات مع قفشه الزيت والخل والكتشب وتبلي فيها الجوانح


    ودخليها الفرن لين تتحمر

    بالنسبه للبطاط.. خلطي كميه الزيت الباجي مع البطاط ورشي فوقها البهارات وسوي مغلف بالقصدير وحطيها بالنص قبل لا تسكرينه عدل صبي شوي ماي عشان يستوي على البخار وما يطول وهم دخليه الفرن... انا دخلتهم يميع واستوو مع بعض

  6. #6
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي رد: مرق سمج شعوم...

    سلطات باستا...

    Om MoD الغاااليه طلبت مني طريقه لسلطه الباستا ويكون الدريسنغ ايطالي... ولاني من الناس اللي يحبون ياكلونها بس مو وايد يسونها عشان الرجيم والذي منه... يبت لها 3 وصفات.. وحده منهم من غير صوره.. وتعذرني اذا ما كانت هالوصفات اللي تبيها...





    سلطة باستا 1...









    المقادير:

    نص كوب جزر مكعبات

    نص كوب ساليري مكعبات

    نص كوب فلفل اخضر

    كوب معكرونه ... قبل السلق

    كوب ذره

    4 قفاش بصل اخضر


    الدريسنغ:

    كوب صلصه ايطاليه..

    ربع كوب- نص كوب مايونيز

    رشه اوريغانو

    قفشه شكر عشان الحلاوة





    الطريقه:



    نسلق المعكرونه بماي وملح وهي حاره نحط الدريسنغ عليها عشان تتشربها عدل... وبعدين نخلط باجي المقادير.. نخليها بالثلاجه فتره عشان تتعزز النكهات فيها وتقدم بالعافيه...





    ***********
    سلطة باستا 2...


    المقادير:
    نفس مقادير السلطع اللي فوق بالاضافه الى
    1 طماطه مقصصه مكعبات
    4 قفاش زيتون اخضر
    ربع كوب بروكلي
    وربع كوب جبن تشيدر مبروش
    ونعناع مجفف
    مقادير الدريسنغ:
    كوب صلصله ايطاليه
    ربع كوب ما يونيز
    قفشه صغيره مسترد

    الطريقة:
    تسلق المعكرونه وتخلط معاها مقادير الدريسنغ ونخليها بالثلاجه لين تتشرب الدريسنغ اكثر .. وومكن تضاعفون الكميه اذا بتاكلونها ثاني يوم
    تخلط مع الخضار والجبن وترش بالنعناع المجفف وتقدم بالعافيه...


    **********
    سلطه باستا 3...
    هذي ما سويتها بمقادير معينه سويتها شوي عشان اجربها وطلعت اروووعههم
    المقادير:
    بنيي باستا مسلوقه
    جبن فيتا
    طماط صغار
    طماط مجفف
    زيتون اسود
    خيار
    فلفل ملون شاويته على النار وشايله منه القشره
    صنوبر
    جرجير وخس
    الدريسنغ
    شوي بستوريحان و صلصله ايطاليه وبس
    الطريقه:
    ينخلطون يميع و ينرشون بنعناع مجفف وبالعافيه

  7. #7
    الادارة الصورة الرمزية شهود
    تاريخ التسجيل
    Nov 2008
    الدولة
    اليمن السعيد
    المشاركات
    33,955
    معدل تقييم المستوى
    100

    افتراضي رد: مرق سمج شعوم...

    محروق صبعه بالخضار والفقع...



    هذي اول مره اسوي محروق صبعه بس ما سويتها بالطريقه الاصليه لاني ماكل عدس ولا احب الدياي... كان عندي فقع صغار ( ما عجبني شكله وهو صغار ) فقصصته وخلطته معاهم.. ودخل مزاجي وخاصه ان دافي وسهل الهضم وسريع بالتحضير بعد.. انا ما سويت كميه كل اللي سويته بالصحن و اختي الصغيره فطوم شاركتي فيه

    المقادير
    كوسا مقصصه حسب الرغبة
    بطاط مقصص حسب الرغبه
    فقع هم مقصص
    طماط مهروس
    مكعب ماجي لحم
    ثوم مهروس
    زنجبيل بودر
    كزبره مفرومه
    بهار
    فلفل اسود
    لومي ناعم
    وملح
    خبز ايراني مقصص مكعبات او حسب الرغبه
    معجون
    زيت
    عصير ليمون
    وماي

    الطريقة:
    نحمر البصل مع الثوم ونضيف الكزبره والطماط و المعجون والخضره والبهارات ونحركها
    نذوب الماجي بالماي الساخن ونحطه فوقهم ونتركه لين يغلي
    نوطي النار ونحط الخبز فوقهم ونتركه لين يطرى
    نصبه بالصحن ونرش عليه عصير الليمون ونزينه بباجي الكزبره المفرومه والفلفل الاسود وبالعافيه

  8. #8
    عضو متميز الصورة الرمزية مصمم راقي
    تاريخ التسجيل
    Nov 2008
    الدولة
    اليمن السعيد
    العمر
    42
    المشاركات
    5,113
    معدل تقييم المستوى
    100

    افتراضي رد: مرق سمج شعوم...

    شـكــ وبارك الله فيك ـــرا لك ... لك مني أجمل تحية .
    شبكة توب ماكس تكنولوجي
    فقط لطالبي الاعلانات وخدمات الشبكة المدفوعة
    التواصل مع الدعم الفني مباشر من الرابط التالي
    http://www.topmaxtech.net/


    حكم تبعث في نفسي الطاقة
    « عندما نعطي، نحن نلهم الآخرين على العطاء، إما (عطاء) المال أو الوقت أو العلم » .
    عطاؤك بعلمك صدقة جارية بعد موتك
    "حديث شريف " إذا مات ابن آدم انقطع عمله إلا من ثلاث منها ( أو علم ينتفع به )
    ان للحسنه نور في القلب وسعه في الرزق ومحبه في قلوب الناس

    قل لمن يحمل هماً :: إن همك لن يدوم مثلما تُفنى السعادة هكذا تُفنى الهموم
    من لا يأكل من فأسه .. لا يتكلم من رأسه
    معا من أجل دعم وأثراء المحتوى العربي


 

 

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
لتوفير الجهد والوقت عليك ابحث عن ما تريد في جوجل من هنا

جميع الحقوق محفوظة لـ شبكة توب ماكس تكنولوجي

Copyright © 2007 - 2010, topmaxtech.net . Trans by topmaxtech.

المعهد غير مسئول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه اتجاه ما يقوم به من بيع وشراء و اتفاق مع أي شخص أو جهة