سندويش اللحم مع الخضار...




هالوصفه توها فرررش نقلتها لكم على طول...استخدمت فيها بواقي اللحم مال المجبوس لانه كان راهي...وتقدرون تستخدمون بداله دياي.. ساندويجتي استخدمت فيها خبز ايراني وابوي استخدم الباجيت...النتيجه لذيذه

المقادير:
لحم مسلوق ومسحب او مشوي او اي لحم المهم يكون ناضج
بصل ابيض شرايح
فلفل اخضر
ذره
شيدر اصفر مبشور
مايونيز
خبز
بهارات مكسيكيه (( انا خالطه كذا نوع مالت تاكو بيل وموجوده بمركز سلطان وهم عندهم ماركه ديسكفاري وايد حلوة))
ملح
زيت زيتون
الطريقة:
نحمس البصل ونضيف له الفلفل الاخضر واللحم والبهارات والملح والذره ونخليهم على النار لين يتمازجون عدل... نسكر النار ونخلط معاهم الجبن ونخليه يذوب بروحه
نمسح الخبزه او الباجيت بالمايونيز ونحشيها بالخلطه
وبالف عافيه...