هذي فكرة بسيطة لصنع سلة
اتمنى تستفيدون منها
وهي من خامات متوفرة وسهل انك اتلاقيها


طبعا الاشياء الي راح نحتاجها في التغليف والتزيين
هي:

1- علبة كبيرة فارفة ونظيفة ( تانج )

او اي علبة اخرى مناسبة اتكون زي السلة

2- خيش سادة او ملون على حسب الذوق
او الوان الديكور الي عندك او اي تغليفة انتي اتحبين
ممكن اتغلفينها بالكريب او بالفازلين او بالكرنيش

3- شرائط ساتان + ورود اصناعية

4- سلك معدني قوي يعني ( سيم ) لعمل مسكة السلة

انا استخدمت سلك معاليق الملابس

------------------

نبتدي العمل:

بعمل ثقبين في العلبة وندخل فيه السلك المعدني
ونثبته جيدا


غلفي العلبة من الداخل والخارج بالخيش

اذا كان الخيش سادة ممكن انتي اتبخيه باي لون اتفضلي

بعد كذا

احضري كمية من القطن وثبتيها على مسكة السلة
وذلك بلفها بشريط من الخيش
حتى تعطيها حجم ممتلئ

الخطوة التالية هي التزيين

احضري شريط ساتان وقومي بلفة
على المسكة كما هو واضح في الصورة

وايضا على العلبة نفسها

اعملي فيونكا من الساتان والصقيها على احد جوانب السلة

ثم قومي بتثبيت الورود وتنسيقها


الان اصبح لديك سلة ممكن تستفيدين منها
في احتياجات كثيرة
وخاصة في الاهدات


اتمنى اكون شرحت بشكل واضح
وبالتوفيق للجميع

واعذروني لعدم وضوح التصوير

كان نفسي انزل الموضوع خطوة بخطوة

لكن بصراحة ما اسعفني الوقت

وكان المكان مكركب لاني اذا بديت اشتغل
حست الدنيا

بس حبيت اعرض عليكم الفكرة
عشان تستفيدون من ابسط الخامات


وهذي هي صور العمل على السريع

ومن جميع الزوايا










دعواااااااااااااااااتكم