رد: ملف اكلات سورية بالصور
فتة المكدوس
نقلي الباذنجان ثم نسلقه
نجهز خبز مقطع صغير ونضع فوقه حمض ليمون وملح ولبن وطحينة ونخلطهم فتصير كتتبيلة التسئية ثم ناخذ من الباذنجان المسلوق ونضيفه للتتبيلة ونصير ناخذ من مرقة الباذنجان لنطري التتبيلة بعدها نرجع نأخذ من تتبيلة اللبن والطحين ونضعها على الوجه ونزينها باالحمة والباذنجان ان كان الموجودين يرغبون
الشيش طاووق
نجهز شيش متبل جاهز اما نتبله بالبيت او من عند اللحام
نجهز بصلة ونضع ربع كاس شاي من الزيت على صاجة ونقلي البصلة ثم نضيف الشيش حتى يزهر لونه ومع تقليب مستمر ويقدم مع المايونيز
رد: ملف اكلات سورية بالصور
هي طريقة الكبسة مفصلة
حنبدا مع بعض من الخطوة الاولى
وهي الاساسية طبعا فنجان القهوة حتى تستهني بالطبخ
جهزي أفخاذ الدجاج وطبعا بتصير باللحم كمان حسب المتوفر عندك
نجهز البهارات التالية وشرط ان تكون بحبتها ليست الناعمة ...لاننا البهارات الناعمة سنضيفها لاحقا اما هنا يجب اضافة البهارات الكاملة وهي التالية
ورق الغار
حب الفلفل الاسود
الزنجبيل
اعواد القرفة
الهيل
ليمون اسود واصفر يابس وستروه بالصورة اسمه لومي وهو يأتي خصيصا للكبسة من عند اي بزورية
خولنجان
قرنفل
ماجي
نبدا اولا بتنظيف الدجاج وازالة الجلد لاحتوائه على اضرار كثيرة وثم نسلقه ونبقى بقربه لازالة الزفر من الوجه
نكون بهذه الاثناء جهزنا ماء مغلي وحين نرى انه توقف ظهور زفر ناخذ دجاج من الاناء ونضعه في الماء المغلي النظيف وحصريا مغلي لان الماء البارد يؤدي لقسوة اللحم لو اضفناه
بعدها نضيف كل انواع البهارات التي ذكرناها كما هي في الطنجرة ونتركهم يغلون مع الافخاذ وهنا ستشمين رائحة الكبسة الاصلية الحقيقية
بهذه الاثناء نجهز بصل وبندورة وفليفلة مفرومين ناعم ونقليهم بسمنة ونضيف لهم ملعقة معجون الطماطم حتى يصيروا كالصوص تماما
حين ننتهي منهم نأخذ المرقة بعد ان تستوي اللحمة جيدا ونصفيها بمصفاة ناعمة كي لا ينزل شئ في الطعام من البهارات وتبقى عندنا مرقة صافية مبهرة بالكامل نضيفها فوق الصوص الذي صنعناه ونعدل الملح بعدها للمرقة وهنا نضيف البهارات الناعمة التي نستخدمها عادة ثم نضيف الرز ونتركه ليستوي بهدووووء
بعدها نقوم بتفصيص اللدجاج وقلي لوز وصنوبر للوجه ويومها لم يكن عندي صنوبر فوضعت اشلميش وهو زبيب مجفف
وهذه الصور النهائية وصحة وهنا عليكم
رد: ملف اكلات سورية بالصور
بسم الله الرحمن الرحيم
اليوم يا جماعة و على حسب وعدي لكم قمت بطبخ الكبسة الشامية على الطريقة التارجتية و كنت أنا الشيف و معي مساعدي ( الأهل ) الله يعطيهم العافية و يبارك في الجميع ...
في البداية قمت بتحضير الدجاجة وقام المساعد بغسلها جيدا جدا و تمليحها أيضا ثم تركناها جانبا لينزل منها الدم و الزفر ...
و في هذه اللحظة قمت بتسخين الماء في الإبريق و تجهيز البهارات الكاملة و عدة الصلصة
و بعد غسل الدجاجة من أثر الملح و الزفر تم وضعها في طنجرة البخار و الانتظار دقائق حتى يخرج الزفر منها و لأن الدجاجة صغيرة و قد تم غسلها جيدا جدا فلم يخرج زفر إلا شيئا قليلا جدا و الحمدلله
و بعد ذلك تم وضع البهار الكامل فيها
عند ذلك تم تغطية جنطرة ( قدر ) الضغط و كبسه وهو لا يأخذ لاستواء الدجاجة إلا ربع ساعة فقط !
ثم انشغلت بعد ذلك بعمل صلصة الكبسة و المكونة من الفلفل الأخضر البارد و الطماط و البصل و زيت القلي و الزبدة
بعد استوائها تركتها جانبا ( ولأني مريض و حان موعد أخذ الدواء فقمت بأكل شيئ قليل منها حتى يمشي المضاد الحيوي )
قمت بغسل الرز و تنقيعه بماء دافئ لمدة ثلث ساعة
بعد استواء الدجاجة و إخراجها من قدر الضغط قمت بتصفية ماء السلق من بهارات الحب و سكبته على الصلصة التي أعددتها و قمت بقياس ملوحة الطعام ... ثم أزلت الماء عن الرز المنقوع و وضعت الرز على المرقة المعدة للكبسة ( تركت اللومي لأني أحبه )
إلى أن يستوي الرز فقد قمت بتجهيز الدجاجة و تحميرها و تمليحها و تبهيرها مع إضافة ماء الورد و الزعفران ( خلطة شامية و كويتية ) و وضعتها في الفرن للتشقير و التحمير
لاحظت أن الماء على الرز كثيرا فقمت بإزالة قدر قليل منه و لكني بعد ذلك أعدته مرة أخرى لأني أول مرة أطبخ هذا النوع من الرز و ليس لي خبرة بمقدار حاجته للماء بعد ذلك أضفت الزبدة و الكشمش (الزبيب)على وجه الرز و خففت النار و وضعت حديدة تسكير الرز تحت القدر حتى يستوي بهدوء
بعد الانتهاء من الطبخة سكبت الرز و أخرجت الدجاجة من الفرن فكانت هذه الصورة
من زاوية ثانية
وهذي علشان الحبايب الصايمين ( اليوم تاسوعاء )
مع تحياتي و تقديري لكم
رد: ملف اكلات سورية بالصور
سلام عليكم
طريقة :ـ فول مقلى
أكلة باردة أي تأكل باردة وخاصة فيها لبن لذلك تفضل في الصيف ..!!
المكونات :ـ زيت زيتون ـ كأس ماء ـ جرزة كزبرة أي ((شدة كزبر )) ـ ملح ـ فلفل أسود ..!!
طبعا هذا الثوم وما أدراك يا الثوم تنين بعد الأكلة لايكون أحد يقرب منك مخطورة هواك ونارك
طبعا هذي قريبة من وظيفة القنابل اليدوية لكن بشكل ثاني يعني اذا صار شيئ لطبخة تحط حرتك بأحد من باب فش الخلق ..!! واحدة ملح ..!! وأختها الفلفل ..!!
الطريقة : نضع زيت الزيتون ومعة الفول بعدها نضع كأس ماء ونتركهم يغلوا على نار متوسطة وعند نشفان الماء نضع الثوم المدقوق أو مهروس مع الكزبرة ورشة ملح ونتركهم خمسة دقائق ومن ثم بالهناء والشفاء ..!!
وفيك تأكلها بهذه الطريقة ..!!
هناك من يأكلها مع لبن وهو المعروف لدي كل الشوام ..!!
رد: ملف اكلات سورية بالصور
الكبة المقلية
الطريقة كالتالي تنقعي البرغل وتجيبي لحمة هبرة مثلا لكل كيلو برغل وقيتين لحمة هبرة وتعجنيهم سوا بالعجانة وتزبطي ملحها وبهاراتها للعجينة متل ما بتحبيها وتروحي للحشوة تقلي لحمة مع بصلة وبحط لها كمان دبس الرمان وصنوبر وبكثر الفلفل شوي وبجهز الحشوة بكون العجين اتجانس تمام ممع بعضه بتحطي قدامك زبدية ماء وتقسمي العجين طابات صغيرة وتبداي فيهم وحدة وحدة تكوريها وتحشيها ولما تخلصي صفيهم والافضل لو عملتيهم مساء وغطيهم بقماشة شاش بيضا وتاني يوم من الصبح تفيقي وتشكي كل قرص بالشوكة قبل القلي والافضل للكبة تكون الزيت لا كتير ولا قليل وكمان لا تكتري كبة بالطنجرة بمعدل 4 كبايات او 5 حتى يتقلوا مزبوط يزهر لونهم ويغمق شوي شيليهم...بس لا تنتظري يصير لونهم متل صحني لانه هذا زوجي تركته يتابع القلي رجعت لقيتهم بهالحالة
رد: ملف اكلات سورية بالصور
اتفضلوا هي اكلة شامية وهي الشيشبرك
وان شاء الله تعجبكم:الشيشبرك اكلة ممكن كتير تضيف لها او تنقص بحسب ذوق الشخص وما يحب
مقادير العجينة:
2-كأس طحين منخول .
ملعقة صغيرة ملح
ملقعة كبيرة زيت مازولا
نخلط الطحين والملح والزيت منيح بعدين نضيف الماء شوي شوي ونعجن اتصير العجينة طرية وما بتلزق باليد
ونتركها شي نصف ساعة ترتاح اذا شوب او ساعة بالبرد مع تغطيتها بمنشفة مبلولة شوي
مقادير الحشو :
نصف كيلو لحمة مطحونة
كمشة بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار
نقلي البصلة بزيت مازولا لحد ما تدبل موتنحرق او يتغير اللون
نضيف اللحمة والملح والبهار ونقليها منيح منيح
اخر شي نضيف البقدونس ونقليها شوي بس
ونترك اللحمة لتبرد ونحاول نشفها من الزيت لانه ما بيخلي العجينة تسكر اذا كان كتير
الطريقة بالصور :
نرق العجينة منيح بالشوبك او بألة العجين متل الصورة
منقطع العجينة او بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر
وهي صورة مع مراحل عمل الشيشبرك بالتدريج بجانبها
وهي اوضح
بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونسكرها على بعض بشكل هلال
بعدين ناخد طرفين الهلال ونلزقن ببعض متل الصورة
قطعة قطعة ليخلصوا الكل
اذا بتحبوا تفرزوا دخلوات الصحن على البراد متل ما هو ولما يجمد العجين منحطوا بكيس نايلون حتى ما ياخد حجم
طبخ اللبن :
افضل طريقة للبن يلي ساكن بالسعودية وبيطلع متل لبن الشام
3 علب لبن زبادي نادك وبعده ندى يلي حجم العلبة 400غرام مو اللبن السائل لالاالجامد
اعلبة من اللبن بس فيها ماء فقط
3 ملاعق كورن فلاور كبار بس ممسوحين مو مطفطفين
ملعقة صغيرة ملح وبعدين ممكن نزيد الملح حسب الذوق
نضربهم بالخلاط او اذا في الخلاط يلي بينزل بالطنجرة احسن منحطون بالطنجرة ومنخلطهن منيح منيح ونضعهن على نار متوسطة موعالية حتى ما يلزق اللبن ومنضل عم نحرك ونحرك ونحرك ليغلي اللبن
منسقط الشيشبرك بهدوء ونتركه على نار هادية شي عشر دقايق بيكفي لانه العجينة رقيقة وصغيرة
وبهل الاثناء انا بحب اللبن مع الكزبرة والثوم في ناس بتحبه سادة في مع الطرخون او النعنع اليابس
نحط ملعقة كبيرة سمنة ونضع نصف جرزة كزبرة مفرومة منيح منقليها بالكزبرة وسنين ثوم صغار مدقوقين
منقليهن منيح ومنحطون فوق اللبن قبل ما نطفي بدقيقتين والف صحة
واتفضلوا
منقول نقلا دون تغير